منگنی ہوگئی۔۔!! ماہرہ خان نے دوسری شادی کا فیصلہ کر لیا

لاہور (نیوز ڈیسک ) معروف اداکارہ ماہرہ خان نے جلد پیا دیس سدھارنے کا فیصلہ کر لیا،ان کا کہنا ہے کہ دوسری شادی کا سوچ سمجھ کر فیصلہ کیا۔تفصیلات کے مطابق اداکارہ ماہرہ خان نے جلد شادی کرنے کا عندیہ دے دیا۔ رواں برس مئی میں بھارتی میڈیا کی جانب سے ایسی خبریں سامنے آئی تھیں کہ پاکستانی اداکارہ نے ترکی میں اپنے دیرینہ دوست سے منگنی کرلی۔رپورٹ میں کسی کا حوالہ دیے بغیر ماہرہ خان کی جانب سے انسٹاگرام پر شیئر کی گئی تصاویر کو دیکھ کر اندازے سے بتایا گیا کہ اداکارہ نے دیرینہ دوست سلیم کریم سے منگنی کی۔ بھارتی اخبار کی جانب سے رپورٹ شائع کرنے کے بعد ماہرہ خان کی منگنی کی خبریں انٹرنیٹ اور میڈیا پر وائرل ہوگئی تھیں۔ خبریں وائرل ہونے کے بعد جہاں ماہرہ خان سے منسلک قریبی ذرائع نے بتایا کہ اداکارہ کی منگنی کی خبریں بے بنیاد ہیں۔اداکارہ ماہرہ خان سلیم نامی شخص کی محبت میں گرفتار ہو گئی ہیں۔ ماہرہ خان نے کچھ ماہ قبل ثمینہ پیرزادہ کو انٹرویو دیتے ہوئے اس بات کا انکشاف کیا کہ وہ کسی سے محبت کرتی ہیں اور شادی کریں گی لیکن انہوں نے اس کا نام اور دیگر تفصیل فراہم نہیں کی تھی جبکہ اب ایچ ایس وائے نے ماہرہ خان سے لائیو سیشن کے دوران اس شخص کے نام سے پردہ اٹھاتے ہوئے کہا کہ وہ شخص سیلم کریم ہے ۔ماہرہ سے جب سوال کیا گیا کہ وہ جب سلیم کو دیکھتی ہیں تو کیسا محسوس کرتی ہیں جس کے جواب میں انہوں نے ڈرامہ سیریل’’ہمسفر‘‘ کا ایک ڈائیلاگ بولا’’پتا نہیں تم مجھے کس نیکی کے بدلے میں ملی ہو‘‘ انہوں نے کہا کہ وہ ان سے مل کر ایسامحسوس کرتی ہیں۔حالیہ انٹرویو میں ماہرہ خان نے سلیم کریم کو اپنی زندگی کی محبت کا اظہار کرتے ہوئے کہا کہ انہیں ایسا محسوس ہوتا ہے جیسے انہوں نے زندگی میں کوئی نہ کوئی ایسا نیک کام ضرورکیا ہے جس کے بدلے اللہ نے مجھے سلیم کریم کی محبت میں مبتلا کیا ہے۔اداکارہ نے اپنے حالیہ انٹرویو بزنس مین سلیم کریم کی محبت میں گرفتار ہونے کا انکشاف کرتے ہوئے کہا کہ ہمارے معاشرے میں شادی ایک بڑا فیصلہ ہے اور وہ یقینا اس بارے میں سوچ رہی ہیں اور بہت جلد اس حوالے سے مداحوں کو خوشخبری سنائیں گی،انہوں نے مزید کہا کہ ان کی پہلی شادی 2007میں بہت کم عمری 21 سال میں ہوئی جب وہ میچور نہیں تھیں لیکن اب انہوں نے شادی کا یہ فیصلہ بہت سوچ سمجھ کر لیا ہے اور اسے ہر حال میں نبھانا چاہیں گی۔ماہرہ خان کا کہنا ہے کہ دونوں خاندانوں میں بات چیت چل رہی ہے اور جلد ہی اس حوالے سے خوشخبری سننے کو ملے گی۔