مجھے عمران خان کی وجہ سے یہ کام کرنا پڑا، چوہدری نثار نے پہلی مرتبہ حقیقت سے پردہ اُٹھا دیا

سابق وفاقی وزیر داخلہ اور مسلم لیگ (ن) کے منحرف رہنما چوہدری نثار علی خان نے وزارت داخلہ سے استعفیٰ دینے کی وجوہات بتائی ہیں۔ نجی ٹی وی کے پروگرام میں بات کرتے ہوئے چوہدری نثار علی خان نے کہا کہ ان کے استعفیٰ کی وجہ عمران خان تھے کیونکہ میں چاہتا تھا۔

 

 

کہ عمران خان کو آبپارہ سے آگے جانے کی اجازت نہ دی جائے لیکن اس وقت کے وزیراعظم نواز شریف نے عمران خان کو ریڈ زون میں آنے کی اجازت دی جس پر انہوں نے استعفیٰ دے دیا۔ چوہدری نثار علی خان نے کہا کہ انہوں نے رینجرز ، ایف سی اور پولیس کو عمران خان

 

 

اور طاہر القادری کے دھرنوں کے خلاف کارروائی کا حکم دیا تھا جبکہ وہ نہیں چاہتے تھے کہ عمران خان اور طاہر القادری ایک انچ بھی آبپارہ سے آگے آئیں۔ ۔

 

 

چوہدری نثار کے مطابق اس وقت کے وزیر اعظم نواز شریف نے ان کی یعنی وزیر داخلہ کی مرضی کے خلاف دھرنے والوں کو ریڈ زون آنے کی اجازت دی جس پر استعفیٰ دے دیا۔ واضح رہے کہ چوہدری نثار نے سال 2018 کے انتخابات سے قبل 34 سالہ رفاقت کے بعد مسلم لیگ (ن) سے اپنی راہیں جدا کرلی تھیں، پارٹی سے رخصت ہونے سے پہلے انہوں نے کھلے عام شریف برادران کے فیصلوں پر ناراضی کا اظہار کیا تھا، آخری مرتبہ وہ بیگم کلثوم نواز کے جنازے میں شرکت کے وقت دیکھے گئے تھے

 

 

۔ چوہدری نثار اور شریف برادران کے درمیان اختلافات اس وقت کھل کر سامنے آئے تھے جب سابق وزیر نے کہا تھا کہ وہ انتخابی ٹکٹ کے لیے مسلم لیگ (ن) کی پارلیمانی کمیٹی سے بھیک نہیں مانگیں گے۔ اس کے علاوہ انہوں نے مسلم لیگ (ن) کے ’خاندانی جماعت‘ بننے پر بھی تنقید کی تھی