انار کے چھلکے کے 11 طبی خوائص اور گیاراں مُفید نُسخے

ہمارا اُردو کا قاعدہ الف انار یعنی ایک ایسے مزیدار پھل سے شُروع ہوتا ہے جسکا ذکر رب کائنات نے قُرآن میں 3 دفعہ فرمایا ہے اور ہمیں دعوت دی ہے کہ اسے دیکھیں، یہ ایک جیسا ہے مگر مختلف ہے اور جب یہ پک جائے تو اسکے فروٹ میں یقین رکھنے والوں کے لیے نشانیاں ہیں اور فرمایا کہ یہ جنت کا پھل ہے۔اس آرٹیکل میں جنت کے اس پھل کے چھلکے کے 11 ایسے فائدے ذکر کیے جائیں گے جنہیں جانکر آپکو اس کی افادیت کا اندازہ ہوگا اور آپ اسے کچرے میں پھینکنے کی بجائے استعمال کرنا پسند کریں گے۔نمبر 1 گلا خراب یا گلے میں خراش وغیرہ کے لیےآگر آپکا گلہ خراب ہے یا گلے میں سوزش وغیرہ ہے۔

 

 

یا ٹانسلز کا مسلہ ہے تو انار کا چھلکا آپ کی راحت کا باعث بن سکتا ہے کیونکہ اس چھلکے کی اینٹی بیکٹریل خُوبیاں گلے کی انفیکشن وغیرہ کو ختم کرنے کا باعث بنتی ہیں۔استعمال کے لیے دُھوپ میں خُشک کیے ہُوئے چھلکے کا پیس کر پاوڈر بنا لیں اور اس پاوڈر کو ایک گلاس پانی میں ڈال کر اُبال لیں اور پھر اس پانی سے غرارے کریں۔

 

 

 

نمبر 2 دل کی صحت کے لیےانار کے چھلکے میں موجود اینٹی آکسائیڈینٹس دل کی خطرناک بیماریوں کو پیدا ہونے سےروکنے کی صلاحیت رکھتےہیں اور دل کی صحت کے لیے انتہائی مُفید چیز ہیں، دل کی تقویت کے لیے ایک چمچ انار کے دُھوپ میں خُشک چھلکے کا پاوڈر نیم گرم پانی میں مکس کر کے پی لیں، یہ آپکا کولیسٹرال لیول کم کرے گا، سٹریس میں کمی لائے گا اور دل کو صحت کو بحال کرے گا۔

 

 

نمبر 3 دانتوں کی بیماریوں کے لیےاس چھلکے کے پاوڈر میں کئی ایسی خُوبیاں ہیں جو مُنہ کی کئی بیماریوں میں ادویاتی اثرات رکھتی ہیں خاص طور پر مُنہ کی بدبو، السر وغیرہ کے لیے کسی اکسیر سے کم نہیں، اس سے فائدہ حاصل کرنے کے لیے نیم گرم پانی میں ایک چمچ انار کے چھلکے کا پاوڈر مکس کرکے صبح شام غرارے کریں اس سے مُنہ کی بدبو سے نجات حاصل ہوگی، اس پاوڈر کو مسوڑھوں پر ملنے سے مسوڑھوں کی بیماریاں ختم ہوتی ہیں۔

 

 

 

نمبر 4 تندرست ہڈیوں کے لی اینٹی بیکٹریل اور اینٹی اینفلامیٹری ہونے کے باعث انار کا چھلکا ہڈیوں کے لیے انتہائی مُفید چیز ہے اور اس سے فائدہ حاصل کرنے کے لیے 2 چمچ انار کے چھلکے کا پاوڈر گرم پانی میں مکس کر کے رات کو سونے سے پہلے پی لیں۔

 

 

 

نمبر 5 نظام انہظام کے لیے انار کا چھلکا معدے کی سوزش، آنتوں کی سوزش وغیرہ کو ختم کر سکتا ہے، یہ ہاضمے کو درست رکھتا ہے اور ڈائریا وغیرہ سے ہونے والی بلیڈینگ کو روکتا ہے اس کے خواص سے فائدہ حاصل کرنے کے لیے دُھوپ میں خُشک کیے ہُوئے چھلکے کے آدھے کپ کو پانی میں بگھو دیں اور آدھے گھنٹے تک بھیگا رہنے دیں پھر اسے کسی بلینڈر میں ایک چائے کا چمچ زیرہ، ایک چوتھائی کپ لسی اور کالا نمک ڈالکر شیک کر لیں اور اس مکسچر کو ہفتے میں کم از کم تین دفعہ استعمال کریں۔

 

 

نمبر 6 کیل مہاسے، پیمپلز اور جلد پر ریش قدیم طریقہ علاج میں انار کے چھلکے کو صدیوں سے بہت سی ادویات میں استعمال کیا جاتا ہے اور اس کے چھلکے کے بہت سے طبی خوائص میں سے ایک خوبی یہ ہے کہ یہ پیمپلز، کیل مہاسوں، سکن ریش وغیرہ کو ختم کرتا ہے۔انار کے چھلکے میں ایسے اینٹی آکسائیڈینٹس موجود ہوتے ہیں جو جلد میں بیماری پیدا کرنے والے جراثیموں اور انفیکشنز کو ٹھیک کرتے ہیں۔

 

 

اسے چہرے پر استعمال کے لیے پہلے دھوپ میں خُشک کرلیں پھر اسے توئے یا گہرے برتن میں آگ پر روسٹ کرلیں اور ٹھنڈا ہونے پر پیس لیں اور پاوڈر بنا لیں پھر اس پاوڈر میں لیمن جُوس یا عرق گلاب ڈال کر پیسٹ بنا لیں اور اس پیسٹ کو چہرے پر ملیں خاص طور پر اُن حصوں پر جہاں کیلے مہاسے وغیرہ موجود ہیں اور پھر چہرہ خُشک ہونے دیں اور خُشک ہونے پر نیم گرم پانی سے دھو دیں۔

 

 

 

نمبر 7 جلد پر پڑنے والی جھریوں اور بڑھاپے کے اثرات کو روکتا ہےرُمان یعنی انار کا چھلکا جلد میں موجود کلوجن (ایک قسم کی پروٹین) کو بریک ڈاون ہونے سے روکتا ہے جس سے سیلز کی نشوونما بہتر ہوتی ہے۔

 

 

اور جلد پر جھریوں وغیرہ کا عمل سُست ہوجاتا ہے۔جھریاں ختم کرنے کے لیے اسے دھوپ میں سُکھا کر پیس کر پاوڈر بنا لیں اور اس پاوڈر میں دُودھ ملا لیں اور اگر جلد میں آئل ہے تو دُودھ کی جگہ عرق گُلاب شامل کر لیں اور پیسٹ بنا لیں اور اس پیسٹ کو چہرے پر لگائیں اور خُشک ہونے پر نیم گرم پانی سے دھو دیں اور ہفتے میں 2 دفعہ استعمال کریں۔

 

 

نمبر 8 قُدرتی موسچرائزر اس چھلکے میں ایسی خُوبیاں شامل ہیں جو جلد کو تروتازہ رکھتی ہیں اور فضا میں شامل آلودگی اور دیگر فاسد مادوں کے اثرات سے بچاتا ہے اور جلد کا پی ایچ لیول نارمل رکھنے میں انتہائی مددگار ثابت ہوتا ہے۔چھلکے کے 2 چمچ پاوڈر میں دہی شامل کر کے پیسٹ بنا لیں اور اس پیسٹ کو چہرے پر لگا کر 10 منٹ تک لگا رہنے دیں اور پھر ٹھنڈے پانی سے دھو دیں۔

 

 

اور کم از کم ایک ہفتہ اس عمل کو دہرائیں۔نمبر 9 فیشل سکربانار کا چھلکا چہرے کی ڈیڈ سکن، کالے اور سفید ہیڈز وغیرہ کو اُتارنے کے لیے بہترین فیشل ایجینٹ کا کام دیتا ہے اس استعمال کرنے کے لیے دو کھانے کے چمچ چھلکے کا پاوڈر، ایک چمچ براؤن شوگر لیکر مکس کر لیں اور اس میں ایک چمچ شہد اور کوئی بھی ایزینشل آئل ڈال کر پیسٹ بنالیں اور اس پیسٹ کے ساتھ چہرے پر سکرب کریں۔

 

 

 

نمبر 10 بہترین سن سکرین رُمان کے چھلکےمیں ایسی خوبیاں ہیں جو سُورج کی خطرناک شعاؤں کو روکتی ہیں اور ایک بہترین سن بلاک کا کام دیتی ہیں، انار کے چھلکے کو دُھوپ میں سُکھا کر پاوڈر بنا لیں۔

اور اس پاؤڈر کو کسی ہوا بند ڈبے میں محضوظ کرلیں اور کسی بھی فیس کریم کیساتھ یا کسی ائزینشل آئل کیساتھ مکس کر کے چہرے پر مل لیں۔

 

 

 

نمبر 11 خُشکی سکری ختم اور بال گرنا بند بیشمار خُوبیوں کا حامل انار کا چھلکا سکری کا خاتمہ کرتا ہے اور گرتے بالوں کو روکتا ہے، اس خوبی سے فائدہ حاصل کرنے کے لیے چھلکے کے پاوڈر کا ایک چمچ سر میں لگانے والے کسی بھی تیل کیساتھ مکس کر لیں اور پھر اس تیل کو بالوں کو جڑوں میں آہستہ آہستہ مساج کر دیں اور 2 گھنٹے یا پھر رات بھر لگا رہنے دیں اور پھر شیمپو سے دھو دیں۔