پاکستان بھی پوری دُنیا میں بازی لے گیا

پاکستان نے سائنس کی دنیا میں معرکہ مارتے ہوئے کرونا وبا کے پیش نظر وینٹی لیٹرز پاکستان میں بنانا شروع کر دیے ہیں۔

وزیراعظم پاکستان جناب عمران خان صاحب نے اس کا افتتاح بروز پیر کو کیا اور پہلا کھیپ وینٹی لیٹرز کا نیشنل ڈیزاسٹر مینجمنٹ کے حوالے کیا، جو کہ مختلف ہسپتالوں میں کورونا کے مریض کے لیے استعمال کیا جائے گا۔

وزارت سائنس و ٹیکنالوجی نے پاکستان میں بنائے جانے والے وینٹیلٹر کا نام

‘safevent SP100’

رکھا، جو کہ ضرورت کے تحت ایک جگہ سے دوسری جگہ باآسانی منتقل بھی کیا جا سکتا ہے۔

پاکستان کی تاریخ میں یہ کارنامہ بڑے کارناموں میں سے ایک سمجھا جاتا ہے، کیونکہ اتنے محدود وسائل اور وقت کی قلت میں یہ مشینری بنانا ایک بہت ہی باصلاحیت اور ہنرمندی کا کام ہے۔

پاکستان میں وینٹیلیٹر بنانے کی فیکٹری ہری پور میں لگائی گئی ہے، جس میں ایک ماہ میں تقریبا 300 وینٹیلیٹرز تیار کیے جاسکتے ہیں۔

چوہدری فواد جو کہ وزیر سائنس وٹیکنالوجی ہیں، انہوں نے ٹوئٹر پر اپنی رائے کا اظہار کرتے ہوئے وینٹی لیٹرز کی اطلاع اس طراح دی کہ یہ ایک بہت بڑی کامیابی ہے۔

اس کے ساتھ ساتھ پاکستان تحریک انصاف کے آفیشل ٹوئیٹر اکائونٹ سے بھی پوری قوم کو فخر سے مبارکباد دی گئی، اور یہ بتایا گیا کہ یہ پاکستان کا بہت اہم دن ہے کہ پاکستان اب سائنس اور ٹیکنالوجی میں بھی دنیا کے ساتھ شانہ بشانہ چل رہا ہے۔

مزید ریڈیو پاکستان نے بھی اس بات کی تصدیق کی ہے کہ وینٹیلیٹڑز کی بنائی جانے والی پہلی کھیپ، وزیراعظم جناب عمران خان نے نیشنل ڈیزاسٹر مینجمنٹ کے حوالے کر دی ہے۔

یاد رہے ہے کہ جب سے چوہدری فواد نے وزارت سائنس و ٹیکنالوجی سنبھالی ہے، وہ ہر دن نئی ایجادات کی کاوشوں میں لگے ہوئے ہیں حال ہی میں انہوں نے قمری کیلنڈر بھی پیش کیا، جس میں ابتدائی طور پر مختلف مذہبی جماعتوں کی مزاحمت کے باوجود، عید افطر پاکستان میں ایک ہی دن میں ہوئ جو کہ وزارت مت بتائ تھی۔ اس کے ساتھ ہی انہوں نے نے کرونا کی وبا کے دنوں میں بھی موجودہ صورتحال کو مدنظر رکھتے ہوئے مختلف ایجادات پر کام کرنا شروع کیا، جیسا کہ انہوں نے کرونا کی وبا کی آغاز میں ہی N-95 ماسک بنانے کا آغاز کر دیا تھا۔