’’ویکسین آپ کی دہلیز تک” ‘‘ پنجاب حکومت کاگھر گھر جا کر25 اکتوبر تا 12 نومبر کورونا ویکیسی نیشن کا اعلان

اسلام آباد (مانیٹرنگ ڈیسک /این این آئی )حکومت پنجاب 25 اکتوبر تا 12 نومبر کورونا ویکیسی نیشن کی خصوصی مہم ” ویکسین آپ کی دہلیز تک” چلا رہی ہےمہم میں 12000 سے زائد ٹیمیں ہر محلے او گاؤں میں جاکر ویکسینیشن کا اہتمام کریں گی ۔

سماجی کارکن گھر گھر جا کر شہریوں کے ٹیموں تک رسائی میں معاونت کریں گے، حکومت پنجاب کی اس سہولت سے فائدہ اٹھائیں ،ویکسین مکمل کروائیں اور محفوظ ہو جائیں۔ حکومت پنجاب نے عوام سے اپیل کی ہے کہ وہ اپنے ارد گرد لوگوں کی ویکسینشن میں معاونت کریں۔واضح رہے کہ دو روز قبل پنجاب حکومت نے گھر گھر جا کر انسداد کورونا ویکسین لگانے کا فیصلہ کیا تھا ۔ڈائریکٹر جنرل ہیلتھ سروسز پنجاب ڈاکٹر ہارون جہانگیر کی جانب سے جاری نوٹیفکیشن کے مطابق کورونا ویکسین مہم گھر گھر شروع کرنے کا مقصد 100 فیصد ٹارگٹ کا حصول ہے۔ نوٹیفکیشن میں کہا گیا ہے کہ کورونا ویکسین 25 اکتوبر سے 12 نومبر تک پنجاب کے 36 اضلاع میں جاری رہے گی۔گھر گھر مہم کو کامیاب بنانے کیلئے ضلعی اور صوبائی سطح پر فوکل پرسن تعینات کیے گئے ہیں جبکہ ویکسین لگوانے سے انکار کرنے والوں کے خلاف ضابطے کی سخت کارروائی کی جائے گی۔