تحقیقاتی کمیٹی کی ابتدائی رپورٹ میں کسے قصوروار ٹھہرایا گیا؟ تحقیقاتی کمیٹی کی ابتدائی رپورٹ منظر عام پر۔۔

اسلام آباد (اعتماد نیوز ڈیسک) سابق پاکستانی فاسٹ بائولر شعیب اختر اور میزبان ڈاکٹر نعمان نیاز کے ایشو پر پی ٹی وی تحقیقاتی کمیٹی کی ابتدائی رپورٹ نے ڈاکٹر نعمان نیاز کو قصور وار قرار دیدیا ہے ۔

 

 

ذرائع کے مطابق، تحقیقاتی رپورٹ میں کہا گیا ہے کہ ڈاکٹر نعمان نے بغیر کسی ٹھوس وجہ سے شعیب اختر کیساتھ نامناسب رویہ اختیارکیا۔ کمیٹی نے شعیب اختر، ڈاکٹر نعمان سے ان کاموقف جاننے کے بعد یہ فیصلہ کیا۔

 

 

دوسری جانب پاکستانی کرکٹ ٹیم کے سابق فاسٹ بولر شعیب اختر نے پی ٹی وی سپورٹس کی بنائی گئی تحقیقاتی کمیٹی کے سامنے پیش ہونے سے انکار کردیا ہے۔

 

 

میڈیا رپورٹ کے مطابق تحقیقاتی کمیٹی وفاقی وزیر اطلاعات فواد چوہدری کی ہدایت پر قائم کی گئی ہے.بی بی سی سے بات کرتے ہوئے قومی ہیرو نے کہا کہ کمیٹی کے سامنے پیش ہونے کے لیے کہا گیا لیکن انھوں نے انکار کر دیا ہے کیونکہ اس واقعہ کی پوری ویڈیو موجود ہے جسے دیکھ کر آسانی سے فیصلہ کیا جا سکتا ہے۔

 

 

شعیب اختر کا کہنا تھا کہ ان کے بارے میں یہ کہا جا رہا ہے کہ وہ پی ٹی وی سے کنٹریکٹ کے باوجود دوسرے ٹی وی چینلز پر بھی بیٹھ کر تبصرے کرتے رہے ہیں۔ انھوں نے کہا کہ یہ بالکل علیحدہ معاملہ ہے جس کا اس واقعے سے قطعاً کوئی تعلق نہیں۔

 

 

دوسری طرف پاکستان مشہور شخصیت بشمول شوبز کے لوگ بھی پاکستانی اسٹار شعیب اختر کے حق میں کھڑے ہو گئے اور حکومت سے مطالبہ کیا کہ شعیب سے معافی مانگی جائے۔