کنٹینر والا کہا ہے جو کہتا تھا کہ مہنگائی ہوتی ہے تو حکمران چور ہے، سابقہ وزیر خواجہ آصف

لاہور (اعتماد نیوز ڈیسک) مسلم لیگ نواز کے رہنماء رکن قومی اسمبلی اور سابقہ وفاقی وزیر خواجہ آصف نے اسبملی کے سیشن کے دوران تحریک انصاف کو شدید تنقید کا نشانہ بنایا اور کہا ہے کہ پاکستان کی تاریخ کی بدترین مہنگائی کے دور سے عوام کو گزارا جا رہا ہے ،حکومت کو معلوم نہیں ہوتا کہ اگلے چوبیس گھنٹے میں کیا کرنا ہوتا ہے رات کو اندھیرے میں اجلاس بلائے جا رہے ہیں اور عجیب سا ماحول پیدا کیا ہوا ہے۔

 

 

ان کا کہنا تھا کہ کئی روز سے ملک کے اندر عجیب سی کیفیت پیدا ہوئی ہے اور کوئی پتہ نہیں چل رہا کہ ملک کے اندر کیا ہو رہا ہے۔ جی ٹی روڈ تاحال بند ہے رات کے اندھیروں میں خفیہ معاہدے کرنے کی بجائے پارلیمنٹ میں آ کر بتایا جائے

 

 

کہ ملک کے اندر ہے قومی اسمبلی کا اجلاس ڈپٹی اسپیکر قاسم سوری کی سربراہی میں شروع ہوا تو ڈپٹی اسپیکر قاسم سوری نے قومی اسمبلی میں کاروائی اور طریقہ کار کے قواعد 2007 ء کے قاعدہ 288کے تحت تحریک پیش کرنے کے حوالے سے ایوان میں تحریک پیش اور اور بعد ازاں مسلم لیگ ن کے رکن قومی اسمبلی خواجہ آصف کو بات کرنے کا موقع دیا۔

 

 

جس پر خواجہ آصف نے حکومت کی پالیسیوں اور مہنگائی کے علاوہ جی ٹی روڈ کی تاحال بندش کے حوالے سے بات کرتے ہوئے کہا کہ رات کے اندھیرے میں پٹرول بم گرائے جا رہے ہیں رات کو ہمسایہ ملک میں دس روپے کم ہوا ہے مگر ہمارے ملک میں مہنگائی آسمان سے باتیں کر رہی ہے حکمرانوں کو عوام کے بنیادی حقوق سے کوئی دلچسپی نہیں اور چینی ایک سو ساٹھ روپے ہو گئی ہے کیسی حکومت ہے کونسے وعدے ہیں۔

 

آصف نے کہا کہ عمران خان نے کہا تھا کہ مہنگائی ہوتی ہے تو حکمران چور ہے اب ہم اس کنٹینر والے کو ڈھونڈ رہے ہیں 2018ء الیکشن ایک ڈرامہ تھا مہنگائی بڑھانے والے کس منہ سے الیکشن کے دوران ووٹ ما نگیں گے دو سو ارب ڈالر کہاں گئے ، پانچ کروڑ ملزموں اور لاکھوں رہائش گا ہیں کد ھر گئی؟رات کو اندھیرے میں اجلاس بلاتے ہیں مذاق بنا کیا گیا ہے حکومت کو معلوم نہیں ہونا کہ اگلے چوبیس گھنٹے میں کیا کرنا ہوتا ہے گزشتہ کئی روز سے ملک کے اندر عجیب سی کیفیت پائی جا رہی ہے۔

 

 

دوسری طرف تیل کی قیمتوں میں راتوں رات ہوش ربا اضافے نے عوام کی کمر توڑ کر رکھ دی ہے، مگر عوام کی سننے والا کوئی دور دور تک نظر نہیں آرہا ہے۔۔

 

 

 

جبکہ ایک دن پہلے عمران خان نے خطاب میں عوام کو مہنگائی کے بارے میں اعتماد میں لیا اور رات کو ہی تیل مہنگا کر دیا۔