ندا یاسر نے بابر اعظم سے ان کے ہونے والی اہلیہ کے بارے میں ایسے سوال کئے کہ وہ خود تنقید کی زد میں آگئی۔

لاہور (اعتماد نیوز ڈیسک) پاکستان کی معروف ایکٹریس اور میزبان ندا کا ایک پرانا انٹرویو سوشل میڈیا پر وائرل ہورہا ہے۔

 

 

تفصیلات کے مطابق، انٹرویو میں انہوں قومی کپتان بابر اعظم سے خواتین سے متعلق نامناسب سوالات پوچھے جس پر انھے شائقین کی طرف سے تنقید کا نشانہ بنایا جا رہا ہے۔

 

 

دراصل، انٹرویو کے دوران ندا یاسر بابر سے پوچھتی ہے کہ بابر کو شادی کے لیے کیسی لڑکی کی تلاش ہے؟ اور اس کے بعد خود ہی ان سے لڑکی کے متعلق نہایت نامناسب الفاظ استعمال کرتے ہوئے سوالات پوچھنا شروع کردیتی ہیں کہ بابر کیا آپ کو ایسی لڑکی چاہئے جو آپ کو بیڈ ٹی یعنی صبح اٹھنے ساتھ ہی بیڈ پر چائے دے، صبح آپ کے کپڑے استری کرے وغیرہ وغیرہ۔

 

 

ان سوالات کے جواب میں بابر اعظم انہیں جواب دیتے ہیں کیا میں بچہ ہوں جو صبح اسکول جاتا ہے؟ بابر اعظم نے کہا انہیں شادی کے لیے ایسی لڑکی چاہئے جو انہیں اور ان کے گھر والوں کو سمجھے۔

 

 

لڑکی سے متعلق مزید سوالات کرنے شروع کردئیے اور پوچھا کہ آپ کیسی لڑکی سے شادی کریں گے جس کی آنکھیں بڑی ہوں، لمبا قد ہو، لمبے بال ہوں یاپھر چھوٹے قد کی اور موٹی لڑکی بھی چلے گی؟

 

 

بابر اعظم نے جواب دیا انہیں نارمل لڑکی سے شادی کرنی ہے۔ ندا نے پوچھا اگر لڑکی سانولی ہو چلے گی یا گوری چٹی لڑکی چاہئے۔ اس کے علاوہ پاکستانی ہو یا باہر ملک کی، سندھ کی ہو، پنجاب کی ہو یا خیبر پختونخوا کی؟

 

 

بابر اعظم ندا یاسر کے ان سوالات سے کافی جھینپے ہوئے نظر آئے تاہم انہوں نے کہا کہ انہیں ایک نارمل لڑکی سے شادی کرنی ہے جو انہیں اور ان کے گھروالوں کو سمجھے۔

 

 

ندا یاسر کے اس انٹرویو پر سوشل میڈیا صارفین نے شدید تنقید کی اور ان کے لڑکیوں کے بارے میں بات کرتے ہوئے نامناسب الفاظ جیسے ”سانولی، موٹی، چھوٹے قد کی” پر اعتراض کیا فوزیہ نامی خاتون نے لکھا ”سانولی بھی چلے گی” جیسے کوئی گزارے کی چیز ہو یا پھر ایکسٹرا، کیا جہالت ہے خدا کی پناہ۔ اقرا نامی خاتون نے لکھا ”سانولی چاہئے یا گوری” کیا واقعی؟۔رومانا نے لکھا کیا ہیں یہ لوگ؟

 

 

تاہم لوگوں نے ان کے انٹرویو میں پوچھا گئے سوالات کو اور نظریات سے لیا اور کہا کہ ایسے سوال لوگوں میں احساس کمتری پیدا کرتے ہے کہ سانولی لڑکی بھی چلے گی کا مطلب ہے کہ سانولی ایک معمولی چیز ہے اور اس کے ساتھ بس گزارا ہی کا جا سکتا ہے نا کہ زندگی بسر ہو سکتی ہے۔