لوگ تحریک انصاف کا نام سن کر گالیاں دیتے ہیں ٗ عائشہ گلالئی کا بڑا اعلان

پشاور (اعتماد نیوز ڈیسک) عائشہ گلالئی جو کہ سابقہ پاکستان تحریک انصاف کی اہم رکن تھی اور تحریک انصاف (گلالئی) کی بانی ہے، انہوں نے اپنی جماعت کے نام کے بارے میں نیا بیان جاری کیا ہے۔

 

 

انہوں نے تحریک انصاف گلا لئی نا نام بدل کر کے جماعت صُفہ کردیا۔ پریس کلب میں پریس کانفرنس سے خطاب کرتے ہوئے عائشہ گلالئی نے کہا کہ پارٹی کا نام تبدیل کرنے کی وجہ یہ ہے کہ لوگ تحریک انصاف کا لفظ سن کر گالیاں دیتے ہیں۔

 

 

عائشہ گلالئی نے کہا کہ پی ٹی آئی نے عمران خان کی قیادت میں ملک کو ختم کردیا ہے جو وعدے کئے تھے پی ٹی آئی اس میں سے کسی پر بھی پورا نہیں اتری۔

 

 

انہوں نے کہا کہ موجودہ حکمرانوں نے سیاست اور جمہوریت کو گالی بنا کے رکھ دیا ہے جبکہ موجودہ حکمران ٹولے نے غریب عوام کی چمڑی جلا کے رکھ دی ہے جماعت صُفہ کی بانی عائشہ گلالئی نے مزید کہا کہ یہ لوگ کبھی بھی مالی اور انتظامی اختیارات نچلی سطح تک منتقل نہیں کرینگے۔

 

 

آپ کو بتاتے چلے کہ عائشہ گلا لئی پہلے تحریک انصاف کی اہم رکن تھی پھر کچھ ذاتی رنجشوں اور اختلافات کی بنا پر انہوں عمران خان کی جماعت سے علیحدگی اختیار کر اپنے جماعت بنا لی۔