میں خود وزیراعظم بنوں گا ،نوازشریف کا بڑا بیان سامنے آگیا

اسلام آباد (اعتماد نیوز ڈیسک) سابقہ وزیراعظم نواز شریف کے بارے نئی خبر نے تہلکہ مچا دیا ہے۔ ایک نجی ٹی وی پروگرام میں سینئر تجزیہ کار ہارون رشید نے انکشاف کیا ہے کہ اب اپوزیشن لیڈرز کے انٹرنیشنل اسٹیبلشمنٹ سے تعلقات ہیں۔

 

 

انہوں نے کہا کہ پاکستان کی 2018 میں ایکسپورٹ 20 بلین ڈالر تھی ،پیپلز پارٹی کے دور میں پچیس بلین ڈالر تھی اور نواز شریف کے دور میں یہ 5 بلین ڈالر کم ہو گئی۔نواز شریف، اسحاق ڈار اور شہباز شریف کس معاشی ترقی کے دعوے کرتے ہیں۔اس سال صرف ٹیکسٹائل کی ایکسپورٹ 26 بلین ڈالر رہنے کا امکان ہے۔

 

 

ہارون رشید نے مزید انکشاف کیا کہ کچھ دیر پہلے مجھے کسی نے اطلاع دی ہے کہ نواز شریف کہتے ہیں میں خود وزیراعظم بنوں گا۔ انہوں نے کہا کہ آپ پر تو پابندی ہے وہ کہتے ہیں سب پابندیاں ختم ہوجائیں گی۔

 

 

دوسری جانب مسلم لیگ (ن) کے مرکزی جنرل سیکرٹری احسن اقبال نے کہا ہے کہ عوام نے دیکھ لیا حکومت صرف باتیں کر سکتی ہے کام کرنا انکے بس میں نہیں۔

 

 

جبکہ ملک میں آئے روز پٹرولیم مصنوعات کی قیمتیں بڑھنے کی وجہ سے تمام اشیاء کی قیمتوں میں مسلسل اضافہ ہونے سے مہنگائی کا طوفان بڑھپا ہوا ہے۔