ویرات کوہلی کو بھی بھارتی ٹیم سے نکالے جانے کا امکان

بمبئی (اعتماد نیوز ڈیسک) رواں ٹی ٹوئنٹی ورلڈ کپ سے بھارت اور افغانستان باہر ہو گئی پے جبکہ پاکستان سیمی فائنل میں چلا گیا ہے۔ جبکہ آئی سی سی ٹی ٹوئنٹی ورلڈ کپ کی دوڑ سے باہر ہونے کے بعد بھارتی کرکٹ ٹیم کے کپتان ویرات کوہلی کو بھی ٹیم سے نکالے جانے کا امکان سامنے آگیا ہے۔

 

 

انڈیا میڈیا رپورٹس کے مطابق، ٹی ٹوئنٹی ورلڈ کپ میں بھارتی ٹیم کی ناقص کارکردگی کے بعد نیوزی لینڈ کے خلاف ہوم سیریز میں سینئر کھلاڑیوں کو آرام دینے کا امکان ہے۔ بھارت اور نیوزی لینڈ کے درمیان ٹی ٹونٹی سیریز 17 نومبر سے شروع ہو گی۔

 

 

جبکہ اس سیریز میں ویرات کوہلی، جسپریت بھمرا، راہول، محمد شامی، ایشون، پنٹ اور جڈیجا کو آرام دینے کا امکان ہے۔

 

 

بھارتی میڈیا کی طرف سے یہ بات سامنے آرہی ہے کہ نیوزی لینڈ کے خلاف ہوم سیریز میں ٹیم کی قیادت روہیت شرما کریں گے کیونکہ ویرات کوہلی ٹی ٹوئنٹی کی قیادت سے پہلے ہی الگ ہو چکے ہیں۔

 

 

اس کے علاوہ ویرات کوہلی کو ون ڈے کی کپتانی سے بھی ہٹا دیا جائے گا جبکہ ہوم سیریز کے لیے بھارتی ٹیم کا اعلان ایک دو روز میں ہوگا۔

 

 

آپ کو بتاتے چلے کہ بھارت اور پاکستان کا پہلا میچ ہی تھا جو بھارت نے بری طرح ہارا اور اس کے بعد نیوزی لینڈ سے ہار کر اپنے گھر کو چلتے بنے۔