تحریک انصاف کے بیرون ملک گئے 2 سینیٹرز نے وطن واپس آنے سے انکار کر دیا

لاہور ( اعتماد نیوز ڈیسک) موجودہ حکومت نے اپنی مرضی کی قانون سازی کے لئے بیرون ملک موجود اراکین پارلیمنٹ کی اکثریت کو واپس بلا لیا ہے۔

 

 

جس کے بعد اطلاع آئی ہے کہ 2 سینیٹرز نے واپس آنے سے انکار کر دیا ہے جبکہ یہ بھی سننے میں آیا ہے کہ چیئرمین سینیٹ ان دونوں سینیٹرز کو خود کال کی تھی۔

 

 

تفصیلات کے مطابق، چیئرمین سینیٹ صادق سنجرانی نے ایم کیو ایم سے تعلق رکھنے والے ایک سینیٹرز اور ایک آزاد سینیٹرز کو لندن میں ٹیلی فون کیا اور ان سے درخواست کی کہ وہ فوری واپس آئیں کیونکہ حکومت 11 نومبر کو ہونے والے پارلیمنٹ کے مشترکہ اجلاس میں اہم قانون سازی کرنا چاہتی ہے۔

 

 

اطلاعات کے مطابق ان دونوں سینیٹرز کو ہنگامی بنیادوں پر کورونا ٹیسٹ کرانے اور تمام تر سفری سہولیات فراہم کرنے بھی یقین دہانی کروائی گئی لیکن دونوں سینیٹرز نے اپنی ذاتی مصروفیات کی وجہ سے واپس آنے سے معذرت کرلی۔

 

 

جبکہ حکومت کی طرف سے انہیں واپس بلانے کے لئے ہر حربہ استعمال کیا جا رہا ہے۔

 

 

تاہم ابھی تک سینیٹرز کے واپس آنے کے بارے میں کوئی پیش رفت سامنے نہیں آئی۔