لاہور ہائیکورٹ کا قرآن پاک بطور علیحدہ مضمون کے طور پر پڑھانے کا حکم جاری، عوام کے لئے خوشخبری

لاہور (اعتماد نیوز ڈیسک) لاہور ہائیکورٹ کی طرف مسلم امہ کے لئے اچھی خبر آگئی۔ اب ہر بچہ قرآن پاک کو علیحدہ مضمون کے طور پر پڑھے گا۔

 

 

تفصیلات کے مطابق، لاہور ہائیکورٹ کے جسٹس شاہد وحید کی سربراہی میں دو رکنی بینچ نے تعلیمی اداروں میں قرآن پاک کی لازمی تعلیم کے لئے دائر کی گئی درخواست پر سماعت کی۔ جس پر حکم نامہ جاری کرتے ہوئے کہا کہ تعلیمی اداروں میں قرآن پاک کو علیحدہ مضمون کے طور پر پڑھایا جائے گا۔

 

 

جبلہ عدالتہ نے اپنے حکم نامے میں صوبے کے تمام سیشن ججوں کو ہدایات جاری کی ہیں کہ وہ سکولوں میں قرآن پاک کو بطور علیحدہ مضمون پڑھانے سے متعلق عدالت عالیہ کے حکم پر عملدرآمد کی نگرانی کریں اور اس بات کو یقینی بنائے کے بچے قرآن پاک کو علیحدہ مضمون کے طور پر پڑھ رہے ہیں۔

 

 

مزید براں، عدالت عالیہ نے اس حوالے سے سیکرٹری سکول ایجوکیشن پنجاب کی جانب سے پیش کی گئی رپورٹ پر عدم اطمینان کا اظہار کیا ہے اور ہدایات جاری کی کہ وہ بھی اس حکم کی پاسداری کریں۔ جبکہ محکمہ سکول ایجوکیشن کی طرف سے پورے پنجاب کے ضلعوں کے سی ای او کو ہدایات جاری کر دی یے۔