وسیم اکرم بھی حسن علی کی حمایت میں نکل آئے جانئے کہا کچھ کہہ دیا انہوں نے۔۔

لاہور (اعتماد نیوز ڈیسک) پاکستان کے مشہور کرکٹ کے سلطان اور سابق کرکٹر وسیم اکرم بھی فاسٹ بولر حسن علی کی حمایت میں نکل آئے۔

 

 

اطلاعات کے مطابق، وسیم اکرم نے ایک بیان میں کہا کہ انہیں سمجھ نہیں آرہی کہ ایک کھلاڑی کو کیوں ٹیم سے الگ کیا جارہا ہے؟

 

 

ان کا کہنا تھا کہ حسن علی پاکستان کے لیے ایک شاندار پرفارمر رہا ہے اور اْنہوں نے ہمیں کئی میچ جتوائے بھی ہیں، جبکہ ہم اس بات کو مکمل بھول گئے ہیں۔

 

 

اکرم کا سوالیہ انداز میں کہنا کہ کوئی بھی کرکٹر کیچ ڈراپ کر سکتا ہے؟ مگر کیا ایسا کرنے سے وہ کیا اس سے وہ برا کھلاڑی بن جاتا ہے؟ صرف ایک غلطی پر پورا ملک حسن علی کے پیچھے پڑ گیا ہے جوکہ اچھی بات نہیں ہے۔ ان کا مزید کہنا تھا کہ وہ بھی اور وقار یونس بھی ماضی میں ایسی غلطیوں کا شکار رہے ہیں۔

 

 

 

وسیم اکرم نے دیگر ممالک کا حوالہ دیتے ہوئے کہا کہ کئی ممالک میں کرکٹ محضایک کھیل ہے، وہاں ناقص پرفارمنس کے اگلے دن شائقین حوصلہ دیتے ہیں کہ اگلی بار اچھا پرفارم کرلینا۔

 

 

مزہد انہوں نے کہا کہ دوسری طرف یعنی آسٹریلوی کھلاڑیوں سے بھی کیچ چھوٹے مگر کیا اس کا مطلب ہے وہ کھلاڑی ہی غلط ہیں؟ انہوں نے ٹیم انتظامیہ کو مخاطب کرتے ہوئے کہا کہ حسن کا اعتماد بہت کم ہے اور ٹیم انتظامیہ کی ذمہ داری ہے کہ وہ اس بات کو یقینی بنائے کہ وہ مکمل طور پر گِر نہ جائیں۔

 

 

 

اسے ساتھ ساتھ وقار یونس بھی میدان میں آئے اور حسن علی کا دفاع کیا۔ ان کا کہنا تھا کوئی بھی کرکٹر جان بوجھ کر غلطی نہیں کرتا، بحیثیت سابق کھلاڑی میں خود جانتا ہوں کہ میں بہت برے وقتوں سے گزرا ہوں، میں نے بھی کیچ چھوڑے ہیں۔

 

 

ان کا مزید کہنا تھا کہ انہیں یاد ہے کہ کس طرح لوگوں نے 1996 کے ورلڈ کپ کوارٹر فائنل کے بعد ان خو تنقید کا نشانہ بنایا تھا لیکن انہیں لگتا ہے کہ انہیں یہ سمجھنے کی ضرورت ہے کہ یہ ایک کھیل ہے۔