تاریخ میں پہلی دفعہ امریکہ کی صدر خاتون بن گئی۔

واشنگٹن (اعتماد نیوز ڈیسک) امریکہ کی تاریخ میں پہلی دفعہ صدر سیاہ فام خاتون بن گئی، جس نے امریکہ کی تاریخ بدل کر رکھ دی، کیونکہ اس پہلے کوئی بھی امریکہ کی خاتون صدر نہیں رہی۔

 

 

تفصیلات کے مطابق، جو بائیڈن، جو کہ امریکہ کے صدر ہے، انہوں نے اپنے طبی معائنے کے دوران امریکہ کے نائب صدر کملا ہیرس کو مختصر دورانیے کے لیے اقتدار منتقل کیا، یہ دورانیہ تقریبا سوا گھنٹہ جاری رہا۔

 

 

 

اس اقتدار کی منتقلی سے امریکہ کی تاریخ کا ریکارڈ لگ گیا، جس کے بعد کملا ہیرس کو امریکہ کی تاریخ میں پہلی سیاہ فام ایشیائی نژاد نائب صدر کو ملک کا صدر بننے کا اعزاز مل گیا۔

 

 

 

وائٹ ہائوس کی جاری کردہ بیانئے کہ مطابق، صدر جو بائیڈن کو معمول کی طبی معائنے کے لئے اینستھیزیا دے کر کلونو سکوپی کی گئی تھی۔

 

 

 

آپ کو بتاتے چلے کہ صدر جو بائیڈن اپنی 79 ویں سالگرہ کے دن کی صبح واشنگٹن سے کچھ دور واقع والٹر ریڈ میڈیکل سینٹر گئے تھے۔ جبکہ جو بائیڈن امریکی تاریخ میں صدارت کے منصب پر فائز ہونے والے سب سے عمر رسیدہ صدر ہیں۔

 

 

یہ بات واضح رہے کہ جب سے جنوری سے عہدہ سنبھالا ہے، اس کے بعد صدر بائیڈن کا یہ پہلا طبی معائنہ ہے۔ انہیں کلونو سکوپی کے دوران بے ہوش کیا گیا اور ماضی کی طرح نائب صدر نے اقتدار سنبھالا، جس میں امریکی مسلح افواج اور دیگر ذخیرے پر کنٹرول بھی شامل تھا۔

 

 

امریکہ کی پریس سیکریٹری جین پساکی نے بتایا کہ صدر جو بائیڈن کی بے ہوشی کے دوران نائب صدر کو اقتدار منتقل کیا گیا جبکہ نائب صدر نے اس دوران ویسٹ ونگ میں اپنے دفتری امور سرا انجام دیے۔

 

 

یہاں پر یہ بات بھی قابل ذکر ہے کہ کملا ہیرس، جو کہ 57 سال ہے، وہ واحد خاتون نائب صدر کے عہدے پر فائز ہونے والی پہلی خاتون ہیں۔

 

 

دوسری طرف جین پساکی نے آگاہ کیا کہ اس سے پہلے آئین کے مطابق اقتدار کی عارضی منتقلی سال 2002 اور 2007 میں بھی ہو چکی ہیں، جب صدر جارج ڈبلیو بش کو اسی قسم کے طبی مرحلے سے گزرنا پڑا تھا۔

 

 

میڈیا رپورٹس کے مطابق، صدر جوبائیڈن کی صحت سے متعلق تفصیلات پر نظر رکھنا اس لیے بھی ضروری ہے کیونکہ انہوں نے امریکہ کا صدر منتخب ہونے سے ایک سال قبل عوام سے یہ وعدہ کیا تھا کہ انکی صحت کے متعلق ووٹرز کو مکمل شفافیت کے ساتھ آگاہ رکھیں گے۔

 

 

اس سے سال کے آغاز میں ہی وائٹ ہاؤس کی طرف یہ بھی کہا گئا تھا کہ جو بائیڈن کے حتمی چیک اپ کے نتائج کے متعلق عوام کو مکمل طور پر آگاہ کیا جائے گا۔