پی سی بی نے بابر اعظم کی ویڈیو شئیر کر دی، بابر اعظم نے اپنی کی شادی سمیت کئی نجی سوالات کے جواب دے دیئے

لاہور (اعتماد نیوز ڈیسک) پاکستان کرکٹ ٹیم کے کپتان اور مشہور بلے بابر اعظم نے اپنی نجی زندگی سمیت کرکٹ کے متعلق اہم سوالوں کا جواب دے دیا۔

 

 

تفصیلات کے مطابق، پاکستان کرکٹ بورڈ نے پاکستان کرکٹ کے کپتان بابر اعظم کی ایک نئی ویڈیو جاری کی، جس میں بابر اعظم نے گوگل میں پوچھے جانے والا بابر اعظم کے بارے میں سوالات کا جواب دیا۔

 

 

پرائیویٹ نیوز چینل ہم نیوز کے مطابق، پوچھا گیا کہ بابراعظم کہاں رہتے ہیں؟ بابر نے بتایا کہ سب کو معلوم ہے وہ لاہور میں رہتے ہے۔ دوسرے سوال میں پوچھا گیا کہ وہ کونسی کمپنی کے بلے سے کھیلتے ہیں؟

 

 

بابراعظم نے بتایا کہ وہ گیرے نکولس کمپنی کا بلا استعمال کرتے ہیں۔ انہوں نے مزید بتایا لہ ان پاس 7 بلے ہیں، جبکہ ان کی کوشش ہوتی ہے کہ وہ کم بیٹ رکھیں۔

 

 

بابراعظم سے جب سوال پوچھا گیا کہ ان کی آمدنی کتنی ہے؟ تو انہوں نے مسکراتے ہوئے بتایا کہ ان کی آمدنی اتنی نہیں جتنی آپ سوچ رہے ہیں۔

 

 

خاص سوال خب شادی سے متعلق ان سے پوچھا گیا تو انہوں نے پنجابی میں جواب دیا کہ ’اے تے مینو وی نہیں پتہ‘۔ جبکہ انہوں نے کہا کہ ابھی ان کا مکمل دیہان کرکٹ پر ہے۔

 

 

جبکہ انہوں نے اپنے پسندیدہ کرکٹر سے متعلق بتایا کہ ان کا پسندہ کھلاڑی جنوبی افریقا کے مایہ ناز کپتان اے بی ڈیولیئرز ان کے پسندیدہ کھلاڑی ہیں۔