عمران خان انٹرنیشنل سپورٹس شخصیت قرار ، دبئی کا عالمی سپورٹس ایوارڈ جیت لیا

متحدہ امارات (اعتماد نیوز ڈیسک) وزیر اعظم عمران خان نے ایک اور عالمی ایوارڈ اپنے نام کر لیا۔ جس میں انہیں دبئی میں عالمی اسپورٹس ایوارڈ سے نوازا گیا۔

 

 

ذرائع کے مطابق، پاکستان کے وزیر اعظم عمران خان نے دبئی کا بین الاقوامی شہرت یافتہ مشہور محمد بن راشد المکتوم تخلیقی اسپورٹس اعزاز اپنے نام کر لیا، جبکہ یہ ایوارڈ انہیں باقاعدہ طور پر آنے والے سال میں 9 جنوری کو دیا جائے گا۔

 

 

 

بتایا جا رہا ہے کہ وزیر اعظم عمران خان کو یہ ایوارڈ 1992 کے کرکٹ ورلڈ کپ جیتنے کے ساتھ ساتھ کھیلوں میں ان کی واضح خدمات پر دیا جا رہا ہے۔

 

 

 

آپ کو بتاتے چلے کہ اس ایوارڈ کے لیے عمران خان کے نام کا اعلان دبئی میں دنیا کے سب سے گہرے ڈائیونگ پول میں منعقدہ ہونے والی ایک تقریب میں کیا گیا۔

 

 

یاد رہے کہ اسی تقریب میں پاکستان کے وزیراعظم عمران خان کو انٹرنیشنل اسپورٹس شخصیت قرار دیا گیا ۔ یہاں پر یہ بات بھی قابل ذکر ہے کہ یہ بین الاقوامی ایوارڈ دبئی میں ہر سال دنیا کی غیر معمولی ترین شخصیات کو نوازا جاتا ہے۔