خان صاحب 2 سال کیا، 5 سال بھی اور گزار جائینگے

لاہور (اعتماد نیوز ڈیسک) پاکستان کرکٹ بورڈ کے سابقہ چئیرمین اور پاکستان کے معروف چحافی نجم سیٹھی نے نجی ٹی وی کے پروگرام میں آکر لانگ مارچ پر حیرت انگیز تجزیہ کر کے سب کو حیران کر دیا۔

 

 

تفصیلات کے مطابق، نجم سیٹھی نے اسیا تجزیہ کر دیا ہے کہ اس کی وجہ سے نجم سیٹھی کا نام سوشل میڈیا پر ٹاپ ٹرینڈ بن گیا۔

 

 

نجم سیٹھی نے لانگ مارچ کے حوالے سے بات کرتے ہوئے کہا کہ جب لانگ مارچ کرنے کی بات آتی ہے تو پھر یہ بھی سوچنا ہے کہ یہ کس طرح شروع ہوگا؟ کیا یہ حکومت کو گرا کر ہی آئینگے یا پھر محض چاول وغیرہ کھا کر آجائیں گے؟

 

 

ان کا کہنا تھا کہ جب تک سب کے سب ستارے ایک جگہ پر اکٹھے نہیں ہوتے تب تک لانگ مارچ نہیں ہوسکتا۔ اس کے ساتھ، انہوں نے یہ بھی کہا کہ اگر لانگ مارچ ہوا اور اس کا مطلوبہ نتیجہ نہ نکلا تو پی ڈی ایم فارغ ہے۔

 

 

جبکہ ان کا حیرت انگیز دعوی یہ تھا کہ عمران خان 2 سال تو کیا 5 سال اور بھی گزار جائیں گے۔

 

 

جب لانگ مارچ کرنا ہے تو آر یا پار والی بات ہے، پہنچ جانا ہے اور خان صاحب کو چھوڑنا نہیں ہے۔

 

 

سیٹھی کا کہنا تھا کہ پچھلی دفعہ تو کہتے تھے کہ ایک پودا بھی نہیں ہلا لیکن اس دفعہ پودے بہت سے ہلانا پڑیں گے۔

 

 

مزید نجم سیٹھی کا کہنا تھا کہ اب بہت سارے گملے تو کیا سر بھی توڑنے پڑیں گے، اس کے بغیر کام نہیں چلے گا، یہ فیصلے اتنے آسان نہیں ہیں۔