بختاور زرداری کی اپنے بیٹے کے ساتھ دلچسپ جذباتی تصویر سوشل میڈیا پر وائرل

لاہور (اعتماد نیوز ڈیسک) پاکستان کی سابقہ خاتون وزیراعظم بینظیر بھٹو اور سابق صدر آصف علی زرداری کی بڑی بیٹی بختاور بھٹو زرداری کی گزشتہ سال چوہدری محمود سے شادی ہوئی تھی اور ان کے ہاں ایک بیٹے کی پیدائش بھی ہو چکی ہیں۔

 

 

اب بختاور کی اپنے نوزائیدہ بیٹے کے ساتھ دلکش اور جذباتی تصویر سوشل میڈیا پر وائرل ہوچکی اور لوگوں نے ان کے انداز کو بھی بہت سراہا ہے۔

 

 

تصویر میں دیکھا جا سکتا ہے کہ بختاور نے اپنے بیٹے کے ساتھ بہت ہی خوبصورت پوز میں تصویر لی جو کہ مداحوں کی خوب توجوں کا باعث بنی۔

 

 

بختاور زرداری نے بیٹے کو گود میں لے کر سینے سے لگایا ہے، جس کی تصویر 28 نومبر کو سب سے پہلے میر حاکم محمود چوہدری کے نام سے بنے انسٹاگرام اکائونٹ پر شیئر کی گئی تھی، جو کہ بعد میں سوشل میڈیا کی زینت بنی۔

 

 

تصویر میں بختاور زرداری کے بیٹے کو ان کی گود میں سوتے ہوئے اور ان کی ماں یعنی بختاور کو بیٹے کے سر اور جسم پر پیار سے ہاتھ اور چہرہ رکھتے ہوئے دیکھا جا سکتا ہے۔

 

 

 

 

یہ تصویر سوشل میڈیا پر مختلف افراد نے شیئر کی، جو اچانک وائرل ہوگئی اور لوگوں نے ماں اور بیٹے کے لیے دعائیں کلمات بھی لکھے۔

 

 

تاہم بعض افراد نے بختاور اور ان کے بیٹے کی تصویر پر غیر مناسب کمنٹس بھی کیے اور ساتھ ہی بختاور کے خاندان کو بھی تنقید کا نشانہ بنایا۔

 

 

کچھ لوگوں نے تو غلط قسم کے کمنٹس کرتے ہوئے ان کی پارٹیوں کو بھی مبارک باد پیش کی کہ اب ان کا نیا چوہدری لیڈر آگیا۔

 

 

کچھ افراد نے بختاور ذرداری اور ان کے بیٹے کی تصویر پر کمنٹ کرتے ہوئے لکھا کہ وہ تمام مائوں کی عزت کرتے ہیں مگر وہ وڈیریوں کو وہ مقام کسی صورت نہیں دینگے۔

 

 

ماں اور بیٹے کی تصویر پر نفرت انگیز کمنٹ کیے ساتھ ساتھ کچھ لوگوں نے ان کی حوصلہ افزائی اور تعریفیں بھی کیں اور ان کی صحت یابی اور خوشی کے لیے دعائیں بھی کیں۔

 

 

اس سے پہلے انہوں بتا رکھا ہے کہ ان کے بیٹے کا نام مرحوم دادا ’حاکم علی زرداری‘ اور ماموں ’میر مرتضیٰ زرداری‘ کی نسبت سے ’میر حاکم محمود چوہدری رکھا ہے۔

 

 

آپ کو بتاتے چلے کہ انہوں نے سوشل میڈیا پوسٹ کے ذریعے یہ بھی بتا رکھا ہے کہ انکے بیٹے کی پیدائش 8 نومبر کو متوقع تھی لیکن کچھ پیچیدگیوں کی وجہ سے ان کے بیٹے کی پیدائش ایک ماہ قبل ہوگئی ہے۔

 

 

جبکہ بختاور نے اس سے پہلے 10 نومبر کو بھی بیٹے کی عمر ایک ماہ ہونے پر بھی ان کی تصویر شیئر کی تھی۔

 

 

قبل ازیں تین نومبر کو انہوں نے بیٹے کی پہلی تصویر شیئر کی تھی جو اس وقت کھینچی گئی تھی جب کہ ان کا بیٹا ایک ہفتے کا ہوا تھا۔