اسلام آباد (اعتماد نیوز ڈیسک) بنگلہ دیش میں کھیلے جانے والے ٹی ٹوئنٹی میچ میں بنگلہ دیش کو کلین سویپ کرنے کے بعد اب پاکستان بنگلہ دیش میں ہی ان کے خلاف کرکٹ کی ٹیسٹ سیریز میں مصروف ہیں، جس میں تمام کھلاڑی اپنا لوہا منوا رہے ہیں۔
تفصیلات کے مطابق، کرکٹ رپوٹر ساج صادق نے بتایا ہے کہ پاکستانی مشہور گیند باز شاہین آفریدی نے بین الاقوامی کرکٹ میں اپنی واضح پوزیشن برقرار رکھنے میں کامیابی حاصل کر لی ہے۔
ذرائع کے مطابق، شاہین آفریدی پہلی دفعہ آئی سی سی کے پہلے پانچ ٹیسٹ کرکٹ میچ کے کھلاڑیوں میں شامل ہو گیا ہے۔ اس کے حصول کے لئے انہوں نے جیم انڈرسن، کاگیسو رابادا اور نیل ویگنر کو بھی پیچھے چھوڑ دیا ہے۔
آپ کو بتاتے چلے کہ یہ شاہین آفریدی ہی تھے جنہوں نے بھارت اور پاکستان کے مابین ہونے والے ٹی ٹوئنٹی ورلڈ کپ میچ میں بھارت کی پہلی وکٹ لے کر ان کے چھکے چھڑا دیئے تھے۔ جس کے بعد، بھارت کو اپنے منہ پر کھانے پڑی اور اس طرح بھارت کے خلاف پاکستان کی بہت بڑی تاریخ رقم کی گئی۔
