کراچی (اعتماد نیوز ڈیسک) چند دن پہلے ایک ویڈیو سوشل میڈیا پر خوب وائرل ہوئی، جس میں دیکھا جا سکتا ہے کہ ڈاکٹر عواب علوی جو کہ پاکستان کے صدر عارف علوی کے بیٹے ہیں، وہ اپنے کسی دوست کے ساتھ گورنر ہاؤس میں ایک تقریب منعقد کرواتے ہیں اور اپنے نجی کاروبارے کے لئے وہاں ایم او یو سائن کرتے ہیں ۔
جس پر سوشل میڈیا پر پی ٹی آئی اور صدر عارف علوی کو شدید تنقید کا نشانہ بنایا گیا کہ حکومت کیسے ایک ذاتی کاروبار کے پروگرام کو سرکاری جائیداد میں منعقد کروا سکتی ہے؟
اس صورت حال پر، پاکستان کے صدر عارف علوی نے اپنے سوشل میڈیا اکاؤنٹ سے واقع کے بارے میں وٖضاحتی بیان جاری کیا۔
انہوں نے لکھا کہ ایم او یو پر دستخط کرنے کی تقریب جو کہ ان کے بیٹے ڈاکٹر عواب اور ان کے دوست کے درمیان ہوئی اور اس میں وہ خود میں موجود تھے، وہ گورنر ہاؤس میں نہیں ہوئی۔ ان کا کہنا تھا کہ جس نے بھی یہ اخذ کیا تھا کہ یہ گورنر ہاؤس ہیں اس نے بہت بڑی غلطی کی۔
تاہم انہوں نے اس بارے میں نہیں بتایا کہ وہ تقریب اصل میں ہوئی کہاں تھی لیکن انہوں نے اس بات کو ضرور جھٹلایا کہ وہ تقریب گورنر ہاؤس میں نہیں ہوئی۔