پشاور (اعتماد نیوز ڈیسک) کل بروز منگل کو پاکستان پیپلز پارٹی کا جلسہ پشاور میں منعقد ہوا، جو کہ بظاہر ایک اچھا جلسہ دیکھنے میں آیا۔
تفصیلات کے مطابق، موجودہ حکومت کے ترجماد وزیر اطلاعات چوہدری فواد حسین نے پیپلز پارٹی کے پشاور میں ہونے والے جسلے کے بارے میں اعلانیہ جاری کیا۔
انہوں نے دبے لفظوں میں پی پی پی کی تعریف کرتے ہوئے کہا کہ پشاور میں پیپلز پارٹی کا جلسہ خوش آئن ہے۔ انہوں نے لکھا کہ پاکستان کو وفاقی جماعتوں کی بہت ضرورت ہے، جبکہ نواز لیگ کو بھی مرکزی پنجاب سے باہر نکلنا چاہئے۔
ان کا کہنا تھا کہ ان دونوں جماعتوں کی قیادت بد قسمتی سے بہت محدود ہے اور ان کے پاس کوئ ایجنڈا یا لائحہ عمل بھی نہیں، اس لئے ان کو علاقئی اور نسلی سیاست سے نکل کر قومی سیاست کرنا ہوگی۔
فواد نے مزید ان دونوں جماعتوں کو مشورہ دیتے ہوئے کہا کہ یہ بات بھی ذہن میں ہونی چاہئے کہ کامیابی صرف تنقید سے نہیں مل سکتی۔ کامیابی حاصل کرنے کے لئے کوئ متبادل ایجنڈا بھی ہونا ضروری ہے۔
پھر ہی لوگ متوجہ ہوتے ہیں۔ انہوں نے مشورہ دیا کہ دونوں جماعتوں کی قیادت کو چاہئے کہ وہ حکومت ہٹانے کی کوشش اور خواھش کی بجائے اپنے پاؤں پر کھڑا ہونا سیکھے۔
