موٹروے پولیس کا بڑا اقدام، رات میں ڈرائیوروں کو نیند سے بچانے کے لئے نئی مہم کا آغاز۔

اسلام آباد (اعتماد نیوز ڈیسک) موجودہ موسمی صورت حال کی وجہ سے موٹروے پر صبح سویرے اور رات میں سفر کرنا بہت مشکل ہے۔

 

 

اسی تناظر میں، موٹروے پولیس کی طرف سے مسافروں اور ڈرائیوروں کی حفاظت کے لئے بڑا اقدام سامنے آیا ہے تاکہ کسی بھی ناگہانی صورت حال سے بچا جا سکے۔

 

 

 

آئی جی موٹر وے پولیس انعام غنی سے سوشل میڈیا پر تصاویر کے ساتھ پیغام جاری کیا، جس میں انہوں نے بتایا کہ ڈرائیوروں کو رات میں نیند سے بچانے اور کسی بھی ناگہانی صورت سے سے بچنے کے لئے موٹر وے پولیس نے نئی مہم کا آغاز کیا ہے۔

 

 

 

اس مہم میں، موٹر وے پولیس کے اہلکار گاڑیوں کو روکتے ہیں اور ڈرائیور سے بات چیت کرتے ہوئے ان کا منہ دھلواتے ہیں، جس سے وہ پھر سے چست اور ایکٹو ہو جاتے ہیں۔

 

 

 

جبکہ اس مہم میں سب سے زیادہ توجہ پی ایس وی گاڑیوں کی دی جاتی ہیں، ان کے ڈرائیوروں کو اتاڑ کر منہ دھلوانے کے ساتھ ساتھ رات میں گاڑی چلانے کے دوران آنے والی نیند سے بچنے کی احتیاطی تدابیر بھی بتائی جاتی ہے۔