پاکستان کرکٹ بورڈ کے نئے سی ای او فیصل آخر ہے کون؟ پہلے کہاں اپنی خدمات سرا انجام دیتے رہے ہیں، سب سامنے آگیا۔

تفصیلات کے مطابق، فیصل حسنین کو پاکستان کرکٹ بورڈ کا نیا چیف ایگزیکٹو تعینات کردیا گیا ہے، جبکہ وہ اپنے عہدے کا باضابطہ چارج جنوری 2022 میں سنبھالیں گے۔

 

 

آپ کو بتاتے چلے کہ فیصل حسنین نے برطانیہ سے چارٹرڈ اکاؤنٹنٹ کی ڈگری مکمل کی ہوئی ہے۔ اس کے ساتھ ساتھ ، ان کا کھیلوں کی انتظامیہ میں اور فنانس کے شعبوں میں پینتینس سال کا تجربہ بھی ہے۔

 

 

اس سے پہلے فیصل سٹی گروپ اور سعودی امریکن بنک لندن کے لئے بطور فنانشل کنٹرولر بھی اپنی ذمہ داریاں ادا کر چکے ہیں۔

 

 

اس کے علاوہ یہ انٹر نیشنل کرکٹ کونسل میں بھی کام کر چکے ہیں، فیصل وہاں پر بطور چیف فنانشل آفیسر رہ چکے ہیں، جبکہ یہ زمبابوے کرکٹ کے مینجنگ ڈائریکٹر بھی رہ چکے ہیں۔

 

 

 

فیصل حسنین کا پی سی بی میں تعیناتی کے بارے میں بات کرتے ہوئے کہنا تھا کہ پاکستان کرکٹ بورڈ میں کام کرنے کا موقع ملنا ان کے لیے قابل فخر ہے۔

 

 

پی سی بی کے چیئرمین رمیز راجہ کا کہنا ہے کہ ان کی تعیناتی بطور سی او ایک خوش آئین بات ہے، جبکہ انہوں نے فیصل کو باضابطہ طور پر خوش آمدید بھی کہا۔