موجودہ افغان حکومت نے بغیر کسی بیرونی امداد کے بغیر اپنا پہلا بجٹ تیار کر لیا

کابل (اعتماد نیوز ڈیسک) افغانستان کی موجدہ حکومت نے آخر معاشی معاملات بھی سنبھالنے میں ایک اور سنگ میل طے کر لیا۔

 

 

تفصیلات کے مطابق، موجودہ افغانستان حکومت کی وزارت خزانہ نے اپنے سالانہ بجٹ کا مسودہ تیار کر کے پوری دنیا کو حیران کر رکھ دیا ہے۔

 

 

اطلاعات کے مطابق، افغانستان کی وزارت خزانہ کی طرف سے بیانیہ جاری کیا گیا کہ افغانستان کی تاریخ میں یہ کئی دہائیوں بعد پہلی دفعہ ایسا ہوا کہ کسی بھی قسم کی بیرونی امداد کے بغیر ہی افغانستان کا بجٹ تیار کیا گیا ہے۔

 

 

جبکہ یہاں پر یہ بات بھی قابل غور ہے کہ اس قسم کی ڈویلپمنٹ اس وقت سامنے آئی، جب افغانستان کو اقتصادیات سمیت انتظامی اور سماجی امور
سے وابستہ مسائل کا سامنا ہے۔ جبکہ اقوام متحدہ کے مطابق ملک کو افلاس اور بھوک کے طوفان کا سامنا ہے۔

 

 

افغان وزارت خزانہ کی طرف سے نامزد نمائندے احمد ولی نے ابھی تک اس مجوزہ بجٹ کا حجم نہیں بتایا جبکہ ان کا کہنا تھا کہ سال 2022 کے دسمبر تک کے لیے اس بجٹ کی تفصیلات جاری کرنے سے قبل کابینہ سے اس کی منظوری لینا ضروری ہے۔