علاقے شدید سردی کی لہر آگئے، محکمہ موسمیات نے خبر دار کر دیا

لاہور (اعتماد نیوز ڈیسک) ملک کے بالائی اور میدانی علاقوں سمیت کراچی بھی شدید سردی کی لپیٹ میں آگیا۔ سائبرین ہوائوں کو رخ کراچی کی طرف ہونے سے کراچی کا موسم مزید سرد ہوگیا۔

 

 

محکمہ موسمیات کے مطابق، شہر قائد میں کم سے کم درجہ حرارت آٹھ ڈگری ریکارڈ کیا جا چکا ہے ج کہ پیش گوئی کے مطابق بیس دسمبر تک سردی کی شدت جاری رہے گی۔

 

 

جبکہ متعداد علاقوں میں شہریوں کی زندگی سردی کی وجہ سے کافی حد تک متاثر ہوگئی ہے۔ جس میں چمن، زیارت، قلات، پشین، قلعہ عبداللہ اور شمالی بلوچستان کے علاقہ جات شامل ہیں۔

 

 

محکمہ موسمیات کے جاری کردہ مراسلے کے مطابق ، آنے والے چوبیس گھنٹوں میں سردی مزید بڑھنے کا عندیہ ہے۔

 

 

اور اس طرح اسکردو اور اس کے گرد و نواح میں درجہ حرارت منفی چودہ، گلگت، قلات اور کوئٹہ میں منفی نو، دیر اور مالم جبہ مائنس 5، اسلام آباد میں منفی 1، پشاور میں 0، لاہور میں 5 اور کراچی میں 9 ڈگری رہنے کا امکان ہے۔

 

 

تاہم تعلیم اداروں کو بھی سردیوں کی لہر پیش نظر چھٹیاں دینے کا اعلان ہو چکا ہے۔

 

 

علاوہ ازیں ملک میں سردی کے ساتھ سوئی گیس کی بندش اور پریشر میں کمی کے باعث بھی شہریوں کی مشکلات میں اضافہ ہوگیا ہے۔