حکومت کا نئے سال کے موقع پر سرکاری ملازمین کے لئے بڑا تحفہ، ملازمین میں خوشی کی لہر

لاہور (اعتماد نیوز ڈیسک) حکومت کی طرف سے اس سال کے جاتے جاتے سرکاری ملازمین کو معمولی فائدہ دینے کا فیصلہ۔

 

 

تفصیلات کے مطابق، صوبہ پنجاب کے محکمہ خزانہ کی طرف سے پنجاب میں موجود تمام ضلعی اکاؤنٹ آفیسرز اور اکاؤنٹنٹ جنرل پنجاب کو 20 سمبر 2021 کو مراسلہ جاری کیا، جس میں پنجاب میں موجود تمام سرکاری ملازمین کی تنخواہوں کے بارے میں ہدایات جاری کی گئی۔

 

 

مراسلے میں بتایا گیا کہ چونکہ یکم جنوری اور 2 جنوری کو صوبے میں سرکاری چھٹی ہے، اس لئے حکومت پنجاب نے اس بات کی منظوری دے دی ہے کہ تمام سرکاری ملازمین کی تنخواہیں، الاؤنسز اور پنشنز ان کو 31 دسبمر کو ہی دے دی جائے۔ اس تناظر میں، پنجاب فاننشنل رولز والیوم ون کا حوالہ بھی دیا گیا۔

 

 

مراسلہ میں استدعا کی گئی کہ تمام ملازمین کو 31 دسمبر 2021 کو تنخواہیں ان کے اکاؤنٹ میں منتقل کر دی جائے۔

 

 

ملازمین کے مطابق، حکومت کی طرف سے بر وقت لئے جانے والا اچھا اقدام ہے۔ بصورت دیگر انہیں تنخواہیں جنوری کی 5 یا 6 تاریخ کو ملنی تھی۔ جس کی وجہ سے انہیں پریشانی کا سامان کرنا پڑنا تھا۔