حکومت نے سرکاری ملازمین کے بچوں کے لئے سال 22-2021 کے وظیفے کا اعلان کر دیا، درخواست جمع کروانے کی آخری تاریخ 31 مارچ 2022 مقرر۔

لاہور (اعتماد نیوز ڈیسک) حکومت پنجاب کے محکمہ بنوولینٹ فنڈ کی طرف سے 13 دسمبر کو پنجاب کے تمام سرکاری ملازمین کو ہدایات جاری کی گئی ہیں۔

 

 

تفصلات کے مطابق، جاری کردہ مراسلے میں بتایا گیا ہے کہ حکومت پنجاب کی طرف سے پنجاب میں موجود ریٹائرڈ، حاضر سروس، فوت شدہ ملازمین کے بچوں کے لئے سال 22-2021 کے تعلیمی وظیفے کا اعلان کر دیا گیا ہے۔

 

 

وظیفہ حاصل کرنے کے لئے مقررہ تاریخیں یکم جنوری 2022 سے 31 مارچ 2022 ہیں، جن کے دوران سرکاری ملازمین کو اپنے بچوں کا تعلیمی وظیفہ حاصل کرنے کے لئے درخواستیں جمع کروانا ہوگی۔

 

 

وظیفہ کے حصول کے لئے مطلوبہ درخواستیں مقررہ تاریخ کے اندر اندر تمام سرکاری ملازمین جن کا سکیل 1 سے 15 ہیں، وہ متعلقہ ڈپٹی کمشنر/ چئیرمین ضلعی بینویلنٹ فنڈ بورڈ میں جمع کروائے گے۔

 

 

جبکہ 16 گریڈ اور اس سے اوپر والے ملازم اپنی درخواستیں صوبائی بینویلنٹ فنڈ بورڈ، الفلاح بلڈنگ، لاہور میں جمع کروائنگے۔ اس کے ساتھ ساتھ، صوبائی سیکریٹریٹ کے تمام ملازم اپنی درخواستیں صوبائی بینویلنٹ فنڈ بورڈ لاہور میں جمع کروائے گے۔

 

 

اس کے ساتھ ساتھ، مزید ہدایت بھی کی گئی ہے کہ مقررہ تاریخ سے پہلے یعنی یکم جنوری 2022 سے پہلے آنے والی درخواستیں اور 31 مارچ 2022 سے بعد میں ملنے والی درخواستیں مسترد تصور کی جائینگی۔