قائد اعظم پاکستان کو ہرگز مذہبی ملک کے طور پر نہیں چاہتے بلکہ۔۔۔ فواد چوہدری کے انکشافات

سیالکوٹ(اعتماد نیوز ڈیسک) پاکستان کے وفاقی وزیر اطلاعات چوہدری فواد حسین نے قائد ڈے کے موقع پر تقریر کرتے ہوئے قائد کے ویژن کے بارے میں حیرت انگیز انکشافات کئے۔

 

 

ان کا کہنا تھا کہ سب سے پہلے تو یہ کنفیوزن دُور کر لیجئے کہ قائد اعظم محمد علی جناح مذہبی ریاست چاہتے تھے۔

 

 

قائد اعظم پاکستان کو ہرگز مذہبی ملک کو طور پر نہیں چاہتے تھے۔ اور یہ لوگ جو آج قائد اعظم کے نام پر سارے لوگوں کو بیوقوف بنا رہے ہیں کہ اسلامی ملک کا مطلب شاید مذہبی ملک تھا۔ یہ قطعی طور پر ایسا نہیں تھا۔

 

 

ان کا کہنا تھا کہ قائد اعظم جس قسم کے سٹائلش آدمی تھے، جس قسم کا ان کا لائف سٹائل تھا اور جس قسم کا علامہ اقبال کا لائف سٹائل تھا۔ وہ تو بلکل بھی ایسے نہیں تھے، جیسا آج کل لوگ باتیں کرکے پاکستان کو پسماندہ ملک بنانا چاہتے تھے۔

 

 

انہوں نے مزید بتایا کہ قائد اعظم اپنے دُور کے برے ماڈرن اور دور اندیش آدمی تھے اور اسی طرح سے علامہ اقبال بھی۔ تو ان قائدین کے کیوں یہ فیصلہ کیا کہ پاکستان ہونا چاہئے؟

 

 

مسلمانوں کا علیحدہ ملک ہونا چاہئے۔ وہ اس لئے فیصلہ کیا انہوں نے کہ جو سیاست تھی ہندوستان کی اس کو وہ دیکھ رہے تھے۔

 

 

ان کے نزدیک تھا کہ جب بھی ہندوستان میں جمہوریت آئے گی تو ان کا اقتدار ایسے ہندؤں کے پاس آئے گا جو اقلیتوں کا جینا مشکل کر دینگے۔

 

 

اور آج ہم دیکھ رہے ہیں کہ کس طرح نریندر مودھی اور بھارتی جنتا پارٹی نے مسلمانوں کو جینا دوبھر کر دیا ہے۔