عمران خان کو نام بدلنے کا مشورہ۔۔

سیاست (اعتماد ٹی وی) تحریک انصاف کی حکومت کی پرفارمنس دیکھتے ہوئے اپوزیشن نے عمران خان اور اس کی حکومت پر چڑھائی شروع کر دی۔ اور ایک دوسرے کو مختلف القابات سے پکارنے لگے۔

تفصیلات کے مطابق مسلم لیگ نون کی رہنما اور پنجاب اسمبلی کی رکن حنا پرویز بٹ نے وزیراعظم عمران خان پر تنقید کے تیر برسا دئے اور اپنے بیان میں کہا کہ عمران خان کو اپنا نام عمران خان سے بدل کے تباہی خان رکھ لینا چاہیے

انہوں نے مزید کہا کہ عمران خان نے نواز شریف کی جگہ وزیراعظم تو بن سکتے ہیں لیکن ان کی طرح ایک کامیاب لیڈر کبھی نہیں بن سکتے جو عوام کے دلوں پر راج کرے اور پاکستان کا نام پوری دنیا میں روشن کرے۔ عمران خان نے تو پاکستان کو اسلامی ممالک میں بد نام کر دیا ہے۔

حنا پرویز بٹ نے مزید کہا کہ عمران خان نے جعلی اعدادوشمار دکھا کر ملک کی معیشت کو عوام کے سامنے جھوٹے انداز میں پیش کیا ہے۔ انہوں نے صحت کارڈ پر تنقید کرتے ہوئے بھی کہا کہ عوام یہاں کھانے پینے اور روٹی کپڑے سے محروم ہے اور حکومت صحت کارڈ کی مشہوری کرنے پر سارا پیسہ برباد کر رہی ہے