عمران خان نے ٹائیگر فورس کو ایک اور اہم کام سونپ دیا۔

لاہور (نیوز ڈسک) وزیر اعظم عمران خان نے 9 اگست

کو ٹائیگر فورس ڈے قرار دے دیا۔

وزیر اعظم عمران خان نے منگل کے روز کہا کہ 9 اگست ٹائیگر فورس ڈے کے طور پر منایا جائے گا اور اُس دن موسمیاتی تبدیلیوں کے منفی اثرات سے نمٹنے کے لئے ملک بھر میں بڑے پیمانے پر شجرکاری کی مہم کا اعلان کیا جائے گا۔

آج ایک نشریاتی پیغام میں وزیر اعظم نے کہا کہ وہ ذاتی طور پر شجرکاری مہم کا حصہ بنیں گے۔

انہوں نے کہا کہ ہمیں 2023 تک 10 ارب درخت لگانے ہوں گے، انہوں نے مزید کہا کہ آج وہ ٹائیگر فورس کو خصوصی پیغام بھیج رہے ہیں۔

پودے لگانے کی مہم کے پیچھے آلودگی اور گلوبل وارمنگ کا محرک قرار دیتے ہوئے، وزیر اعظم نے کہا کہ رضاکار فورس زیادہ سے زیادہ درخت لگا کر ایک ریکارڈ بنائے گی۔

وزیر اعظم عمران نے کہا کہ آلودگی کی وجہ سے عام لوگوں کی صحت بگڑ رہی ہے اور اب وقت آگیا ہے کہ مسئلے کا حل نکالا جاۓ۔

وزیر اعظم عمران خان نے پاکستانیوں کو قائل کرنے پر زور دیا کہ وہ 9 اگست کو شجرکاری مہم میں حصہ لیں۔ انہوں نے مزید کہا کہ اس اقدام میں اہلکار بھی شرکت کریں گے۔

اس سے قبل اپریل میں، وزیر اعظم عمران خان نے یوتھ فورس کے آغاز کا اعلان کرتے ہوئے کہا تھا کہ وہ پاکستان میں کورونا وائرس کے خلاف لڑائی میں رہنمائی کرے گا۔