شدت پسندوں کو جب کچھ نہ ملا تو کالج کے ریکارڈ سے لڑکیوں کے موبائل نمبر اور گھر کے پتے نکال لیے اور ان کو۔۔۔

نئی دہلی (اعتماد نیوز) بھارت میں مسلم طالبات کے حجاب کے حق کے لئے بڑھتی عوامی حمایت دیکھ کر ہندوتوا کے انتہا پسنداوچھے ہتھکنڈوں پر اتر آئے۔

حجاب کے خلاف بولنے والوں نے اخلاقیات کی دھجیاں اڑاتے ہوئے کالج کے رکارڈ سے مسلمان طالبات کی تصاویر، موبائل نمبر اور گھروں کے پتے نکال کر سوشل میڈیا پر پھیلا دیے۔

بھارتی شہر چندیگڑھ میں بھی حجاب کے حق میں پرامن مظاہرہ کیا گیا۔ دہلی، حیدرآباد، مدھیہ پردیش کے علاوہ ڈھاکا میں بھی مظاہرہ کیا گیا جس میں ہزاروں خواتین نے شرکت کی۔ بھارتی سپریم کورٹ نے حجاب کیس پر کرناٹک ہائی کورٹ کے عبوری فیصلے کے خلاف دائر کردہ اپیل پر فوری سماعت سے انکار کردیا ہے۔

حجاب کے تنازع پر امریکی سفیر برائے بین الاقوامی مذہبی آزادی نے کہا ہے کہ اسکولوں میں حجاب پر پابندی مذہبی آزادی کی خلاف ورزی ہے۔ حجاب پر پابندی خواتین اور لڑکیوں کو بدنام اور پسماندہ کرنے کا سبب ہے۔ امریکی سفیر نے کہا کہ مذہبی آزادی میں ہر کسی کو مذہبی لباس کے انتخاب کرنے کا حق حاصل ہے۔بھارتی ریاست کرناٹک کو مذہبی لباس کی اجازت کا تعین نہیں کرنا چاہیے۔