پاکستان ایف اے ٹی ایف کی گرے لسٹ سے باہر آئے گا یا بلیک لسٹ کر دیا جائے گا۔۔ وزیر خزانہ شوکت ترین نے پاکستانیوں کو اہم خبر سنا دی۔۔

پاکستان (اعتماد ٹی وی) وزیر خزانہ شوکت ترین نے جمعہ کو سینیٹ میں اراکین سے خطاب کرتے ہوئے کہا کہ ہم نے فنانشل ایکشن ٹاسک فورس کی 28 میں سے 27 شرائط پوری کر لی ہیں اور امید ہے کہ ایف اے ٹی ایف کے اگلے اجلاس میں پاکستان گرے لسٹ سے نکل آئے گا۔

 

 

انہوں نے کہا کہ اسٹیٹ بینک آف پاکستان (SBP) کے زرمبادلہ کے ذخائر میں گزشتہ ایک سال کے دوران اضافہ ہوا ہے جس کی وجہ سے روپے پر پریشر کم سے کم کرنے میں مدد ملے گی۔

 

انہوں نے مزید کہا کہ پاکستان کو دسمبر 2021 میں سعودی عرب سے ایک سال کے لیے چار فیصد شرح سود پر تین ارب ڈالر موصول ہوئے۔ حکومت نے کوشش کی ہے کہ پیٹرولیم مصنوعات میں بین الاقوامی اضافے کا پورا بوجھ عوام پر نہ ڈالا جائے۔

 

 

شوکت ترین نے کہا کہ ملک کی برآمدات اور ترسیلات زر میں اضافہ ہو رہا ہے جب کہ گزشتہ ماہ تجارتی خسارہ 1.5 بلین ڈالر کم ہوا۔ اور ہم نے عوام کو ریلیف دینے کے لیے پیٹرولیم مصنوعات پر سیلز ٹیکس میں کمی کی ہے۔