عمران خان کی بشریٰ بی بی سے علیحدگی کی خبروں کے بعد عمران خان اور بشریٰ بی بی کے قریبی ساتھیوں کی طرف سے بھی واضح بیانات سامنے آگئے۔

عمران خان (اعتماد ٹی وی) وزیراعظم عمران خان کی اپنی اہلیہ بشریٰ بی بی سے علیحدگی کی خبروں کا ڈراپ سین ہوگیا۔ وزیراعظم عمران خان کے معاون خصوصی شہباز گل اور بشریٰ بی بی کی قریبی دوست فرح خان نے دونوں کی ناراضی یا علیحدگی کی خبروں کو پروپیگنڈا قرار دے دیا۔

وزیراعظم عمران خان کی اہلیہ بشریٰ بی بی کی دوست فرح خان نے کہا کہ وزیراعظم اور خاتون اول کے خلاف جھوٹا پروپیگنڈا کیا جا رہا ہے۔ بشریٰ بی بی کے لاہور جانے کی باتوں میں کوئی سچائی نہیں۔ خاتون اول میرے گھر قطعا قیام پذیر نہیں، بلکہ وہ بنی گالا اسلام آباد میں موجود ہیں۔

وزیراعظم کے مشیر شہباز گل نے ایسی غلط حرکت کرنے والوں کو تنبیہ کی ہے کہ خاتون اول کے بارے میں جھوٹی خبریں پھیلانے والوں کے خلاف سخت قانونی چارہ جوئی کی جائے گی۔

اپ کو بتاتے چلیں کہ وزیراعظم عمران خان اور ان کی اہلیہ بشریٰ بی بی کی علیحدگی کے بارے میں سوشل میڈیا پر غلط خبریں وائرل ہوئیں جس کے بعد عمران خان اور بشریٰ بی بی کے قریبی ساتھیوں کو منظرعام پر آکر ان کی تردید کرنی پڑی۔