آصف علی زرداری کی طبیعت پھر سے ناساز ہسپتال منتقل، آج حکومت کے خلاف ہونے والی اہم ملاقات ملتوی

اپوزیشن (اعتماد ٹی) پیپلزپارٹی کے شریک چیئرمین اور سابق صدر آصف زرداری کی طبیعت ایک بار پھر ناساز ہونے پر انہیں اسپتال منتقل کر دیا گیا ہے۔

آصف علی زرداری اور امیر جماعت اسلامی پاکستان سراج الحق میں آج شام جماعت اسلامی کے مرکز منصورہ میں ملاقات تھی تاہم آصف زرداری کی طبیعت ناساز ہونے پر ملاقات کو ملتوی کر دیا گیا ہے۔ ملاقات کا مقصد حکومت کے خلاف تحریک عدم اعتماد کے لیے سراج الحق کو اعتماد میں لینا تھا۔

ذرائع کا کہنا ہے کہ آصف علی زرداری ناسازی طبیعت کے باعث سراج الحق سے ملاقات کے لیے نہیں جاسکیں گے۔ دونوں رہنماؤں کی ملاقات کا نیا شیڈول جلد جاری کیا جائے گا۔
سراج الحق نے ٹیلی فون کر کے آصف علی زرداری کی طبیعت کے بارے میں دریافت کیا تھا۔ رابطے میں ملکی سیاسی صورتِ حال پر بھی تبادلہ خیال کیا گیا تھا۔

اس سے پہلے مولانا فضل الرحمان سے بھی سابق صدر آصف علی زرداری کا ٹیلیفونک تبادلہ خیال ہوا تھا جس میں آصف علی زرداری نے تحریک عدم اعتماد اور حکومت کے خلاف مختلف سرگرمیوں میں باہمی تعاون کی یقین دہانی کرائی۔