جنرل پرویز مشرف کے کیس پر ہائیکورٹ کا بڑا حکم نامہ، نیب کو بھی بلا لیا۔

پرویز مشرف کیس میں اہم پیش رفت! NAB کی کارکردگی پر سوال؟؟؟

اسلام آباد (اعتماد ٹی وی) پرویز مشرف کے آمدن سے زائد اثاثوں کی تحقیقاتی رپورٹ ہائی کورٹ نے طلب کی تھی۔

اس سلسلے میں چئیر مین نیب کے خلاف توہین عدالت کے کیس کی سماعت آج ہوئی۔ سماعت چیف جسٹس اطہر من اللہ کی سربراہی میں دو رکنی بنچ نے کی۔ سماعت میں نیب کی کارکردگی پر سوال کیا گیا؟

چئیر مین نیب نے اس سلسلے میں جوابی رپورٹ جمع کروائی اور نیب کے پراسیکیوٹر جنرل نے عدالت کو بتا یا کہ عدالتی حکم پر 2018 میں ہی تحقیقات شروع ہو چکی ہیں۔

پرویز مشرف کی 29 جائیدادوں کی تحقیقات کی جارہی ہیں اور بیرون ملک 2 فارن اکاؤنٹس اور پراپرٹیز کے بارے میں ایم ایل ایز کے جواب کا انتظار ہے۔

اس سلسلے میں نیب نے بیرون ملک یاد دہانی کے خطوط بھی بھجوائے ہیں لیکن تاحال کوئی جواب نہیں ملا۔

تحقیقات کے دور ان پرویز مشرف اور ان کے اہلخانہ کے تمام اثاثہ جات اور بینک اکاؤنٹس کا ریکارڈ حاصل کر لیا گیا ہے۔

رپورٹ کے مطابق، پرویز مشرف کو تحقیقات میں شامل کرنے کے لیے سوالنامہ بھی بھجوایا لیکن وکیل کے مطابق پرویز مشرف متعدد بیماریوں میں مبتلا ہیں اس لئے تفتیش میں شامل نہیں ہوسکتے۔

نیب نے عدالت سے استدعا کی کہ توہین عدالت کی درخواست کو خارج کیا جائے کیونکہ عدالتی حکم کے مطابق کیس پر کام 8 فروری سے شروع ہو چکا ہے۔

جسٹس سردار اعجاز اسحاق نے کہا کہ نیب کی تفتیش اتنے سال تک چلتی رہتی ہیں، لوگوں کا نیب پر اعتماد بحال کرنے کے لئے ضروری ہے کہ نیب اپنی کارکردگی کو درست کر ے ۔