حکومت کے خلاف مریم نواز کی ایک بار پھر سے طنزیہ ٹوئٹ

ملکی سیاست میں ہلچل مچ گئی، جہاں ایک طرف اپوزیشن کے رابطے تیز ہو چکے ہیں وہی دوسری طرف وزیراعظم عمران خان بھی متحرک ہوچکے ہیں
۔

وزیراعظم کے میڈیا اجلاس طلب کرنے پر مسلم لیگ ن کی نائب صدر مریم نواز نے سوشل میڈیا پراپنا ایک ٹوئٹ جاری کیا اور اپنے اس ٹوئٹ میں ردعمل دیتے ہوئے کہا کہ ’۔۔اور گھبرا اپوزیشن رہی ہے‘؟

وزیراعظم عمران خان نے پارٹی کی سینٹرل ایگزیکٹو کمیٹی کا اجلاس طلب کرلیا۔ وزیراعظم کے زیر صدارت پارٹی کا یہ اہم ترین اجلاس آج وزیراعظم ہاؤس میں ہوگا۔ ذرائع کے مطابق اجلاس میں ملک کی سیاسی صورتحال کا جائزہ لیا جائیگا، اس کے ساتھ ساتھ اتحادیوں سے رابطوں پر مشاورت اور اہم فیصلے بھی کیے جائیں گے۔

اجلاس میں عوامی رابطہ مہم کوآگے بڑھانے کیلئے تجاویز دی جائے گی اور پیپلزپارٹی اور جے یوآئی ف کے لانگ مارچ پر غور کیا جائے گا۔ اجلاس میں وزیرخارجہ شاہ محمود قریشی، سربراہ این سی او سی اسد عمر،وفاقی وزیر اطلاعات فواد چوہدری، وزیر دفاع پرویز خٹک، وزیر تعلیم شفقت محمود، فرخ حبیب، علی زیدی، قاسم سوری، خسرو بختیار شرکت کریں گے۔

وزیر اعظم نے ترجمانوں اور میڈیا سٹریٹجی کمیٹی کا اجلاس بھی آج طلب کرلیا ہے۔ ذرائع کا کہنا ہےکہ اجلاس میں اپوزیشن کی سیاسی سرگرمیوں کے جواب میں میڈیا حکمت عملی پر بریفنگ دی جائے گی۔