روزمرہ کے اوقات کے مطابق جب دفتر سے گھر لوٹیں تو یہ دیکھ کر حیران رہ گئیں

آن لائن نیوز: جنگلی جانور گھر میں داخل ہوگیا ، خاتون پریشان۔۔

 

جرمنی (ہیگن)میں رہائش پذیر خاتون نے”ڈیلی اسٹار” کو بتا یا کہ اُن کے ساتھ ایک عجیب واقعہ پیش آیا۔ وہ روزمرہ کے اوقات کے مطابق جب دفتر سے گھر لوٹیں تو یہ دیکھ کر حیران رہ گئیں ایک جنگلی خنزیر (Wild boar) ان گھر میں موجود تھا اور صوفے پر محو آرام تھا۔

 

 

یہ دیکھ کر خاتون حیران اور پریشان ہو گئیں۔
خاتون کے بیان کے مطابق سور نے دروازہ کھلنے کی آواز سن کر کوئی ردعمل ظاہر نہیں کیا ، چند لمحے گزرنے کے بعد اُ س نے دروازے کی طرف منہ کیا،

 

 

خاتون اپنے گھر میں جنگلی سور کو دیکھکر ڈر گئیں اور دروازہ بند کر کے بھاگ گئیں ، انھوں پولیس کو کال کی اور تمام واقعے کو بیان کیا۔ پولیس نے خاتون کی کال پر کاروائی کرتے ہوئے خاتون کو پرسکون رہنے کا کہا اور فوراً اپنے ساتھ ایک ماہر شکاری کو لے کر جائے وقوع پر پہنچے۔

 

پولیس نے بتایا کے سور نے گھر کے فرینچر کو کافی نقصان پہنچایا تھا۔گھر کی حالت دیکھ کر لگ رہا تھا جنگلی سور کو وہاں سے نکالنا بہت مشکل ہو گا لیکن اس معاملے میں سور نے زیادہ پریشان نہیں ،تھوڑی سے کوشش سے اس کو گھر سے نکال دیا گیا جہاں سے وہ جنگل کی طرف بھاگ گیا ۔

 

 

پولیس کے اندازے کے مطابق جنگلی سور دروازے میں موجود سامان کی ترسیل والے آلے سے گھر میں داخل ہوا۔ سال ان مہینوں میں خنزیر بچوں کو جنم دیتے ہیں اس لئے ایسی حالت میں ان کے نزدیک جانا خطرناک ہوتا ہے ۔تاہم اس واقعے میں کوئی جانی نقصان نہیں ہوا۔