پاکستان پیپلز پارٹی کا حکومت کے خلاف اہم اعلان۔۔

کراچی (اعتماد ٹی وی) پاکستان پیپلز پارٹی (پی پی پی) نے منگل کو پارٹی کے لانگ مارچ کا شیڈول جاری کر دی جو 27 فروری کو ہونے والا ہے۔

 

 

لانگ مارچ 27 فروری کو کراچی میں مزار قائد سے صبح 10 بجے شروع ہوگا اور ملک کے 34 بڑے شہروں سے ہوتا ہوا دس روز میں وفاقی دارالحکومت پہنچے گا۔

 

 

احتجاجی ریلی پہلے ٹھٹھہ اور سجاول سے ہوتی ہوئی سندھ کے ضلع بدین پہنچے گی۔ پیر (28 فروری) کو لانگ مارچ حیدرآباد، ہالہ، نواب شاہ سے ہوتا ہوا مورو ٹاؤن پر اختتام پذیر ہوگا۔ لانگ مارچ کے شرکاء یکم مارچ کو سکھر میں قیام کریں گے اور ان کی میزبانی پیپلزپارٹی کے رہنما سید خورشید احمد شاہ کریں گے۔

 

 

لانگ مارچ 2 مارچ کی رات رحیم یار خان میں قیام کرے گا اور 3 مارچ کو ملتان پہنچے گا۔ ملتان میں مارچ کی میزبانی سابق وزیراعظم یوسف رضا گیلانی کریں گے۔ لانگ مارچ کا جلوس شیڈول کے مطابق 04 مارچ کو چیچہ وطنی پہنچے گا۔ چیچہ وطنی میں رات کے قیام کے بعد مارچ لاہور روانہ ہو گا اور 6 مارچ کو وہیں قیام کرے گا۔

 

 

پارٹی لاہور میں ایک بڑا جلسہ منعقد کرے گی اور احتجاجی مارچ وزیر آباد کے لیے روانہ ہو گا اور 07 مارچ کو وہیں قیام کرے گا۔ کارواں پیر (8 مارچ) کو راولپنڈی سے دوبارہ اپنا سفر شروع کرے گا اور اسی دن اپنی آخری منزل اسلام آباد پہنچے گا۔