مراد سعید کے بھیجے شکاری خود شکار بن گئے۔ صحافی کی FIA پر ہی چڑھائی۔ معاملے کی تفصیلات سامنے آگئیں

تحقیقاتی ادارے کی جانب سے جاری پریس ریلیز کے مطابق ایف آئی اے نے وزیر مواصلات مراد سعید کی شکایت پر ایف ایٹ میں صحافی محسن بیگ کے گھر پر چھاپہ مارا۔ ایف آئی اے کو مبینہ طور پر چھاپے کے دوران مزاحمت کا سامنا کرنا پڑا۔ صحافی محسن بیگ حکومت کی پالیسیوں پر تنقید کرتا تھا اور ٹی وی ٹاک شوز میں بطور تجزیہ کار نظر آتا تھا۔

 

صحافی محسن بیگ کے بیٹے نے کہا کہ ایف آئی اے کے اہلکار سادہ لباس میں آج ان کے گھر آئے اور ان کے والد کو گرفتار کر لیا۔ شروع میں ہم نے سوچا کہ وہ (ایف آئی اے اہلکار) چور ہیں تو ہم نے ہوائی ف-ا-ر-ن-گ کی، لیکن بعد میں انہوں نے خود کو قانون نافذ کرنے والے اہلکار کے طور پر متعارف کرایا۔ ہم نے ان سے وارنٹ ظاہر کرنے کو بھی کہا لیکن ان کے پاس کچھ نہیں تھا۔ انہوں نے مزید بتایا کہ ایف آئی اے نے چھاپہ عدالت سے وارنٹ گرفتاری حاصل کرنے کے بعد کیا۔

 

ایف آئی اے نے پریس ریلیز میں کہا کہ چھاپے کے دوران محسن بیگ اور ان کے بیٹے اور نوکروں نے براہ راست ایف آئی اے کی ٹیم پر ح-م-ل-ہ کیا اور دو اہلکاروں کو یرغمال بنا لیا۔ اس میں مزید کہا گیا کہ صحافی کو گ-و-ل-ی-ا-ں ختم ہونے کے بعد پکڑا گیا اور اسے مارگلہ تھانے لے جایا گیا جہاں قانونی کارروائی جاری ہے۔

 

فرسٹ انفارمیشن رپورٹ کے مطابق محسن بیگ نے ایک ٹاک شو میں مراد سعید کے لیے غیر اخلاقی زبان استعمال کی تھی جسے بعد میں سوشل میڈیا پر شیئر کیا گیا تھا اس سے وفاقی وزیر کی عوام میں تصویر ہو کر رہ گئی۔