محسن بیگ کی فائرنگ کرتے ویڈیو وائرل، ایف آئی اے بھی ڈر گئی۔

لاہور ( اعتماد ٹی وی) پاکستان کے مشہور تجزیہ نگار محسن بیگ کی ایک ویڈیو سوشل میڈیا پر وائرل ہوئی ہے۔ جسے وزیراعظم عمران خان کے معاون خصوصی برائے سیاسی ابلاغ ڈاکٹر شہباز گل نے بھی شئیر کیا ۔

 

 

شئیر کی جانے والی ویڈیو میں دیکھا جا سکتا ہے، محسن بیگ نے ایک شخص کو پکڑا ہوا تھا اور ساتھ میں انہوں نے ایک ہاتھ میں پسٹل بھی پکڑا ہوا تھا ۔

 

 

جس کے بعد وہ آگے جا کر اچانک ہوا میں فائر کرتے ہیں ، جبکہ سامنے آتے لوگ بھاگنا شروع کر دیتے، اسی صورت حال میں ان کے ساتھ موجود ایک اور شخص کے ہاتھ میں پسٹل دیکھا جا سکتا ہے ۔

 

 

ویڈیو شیئر کرتے ہوئے، ڈاکٹر شہباز گل نے لکھا کہ “یہ ہیں محسن بیگ ۔ یہ سمجھتے ہیں قانون کو” ۔

 

 

جبکہ ابتدائی اطلاعات کے مطابق، جس شخص کو محسن بیگ نے پکڑا ہوا تھا وہ ایف آئی اے کی طرف سے آئے اہلکار تھے ، جو محسن بیگ کو مراد سعید کے بارے میں ریحام خان کی کتاب کا حوالہ دینے کی وجہ سے پکڑنے آئے تھے ۔