دکھی انسانیت کے دکھ باٹنے سے دلی سکون ملتا ہے یہی اصل سیاست ہے، وزیر اعلیٰ عثمان بزدار نے انسانیت کے لیے بڑا کام کر دیا۔

انسانیت (اعتماد ٹی) وزیر اعلیٰ پنجاب سردار عثمان بزدار دکھی انسانیت کی خدمت میں پیش پیش اور ان کی ہدایت پر مستحق مریضوں کے علاج معالجے کیلئے مزید فنڈز جاری کر دیئے گئے ہیں۔

 

 

وزیر اعلیٰ آفس کی جانب سے ڈی جی ہیلتھ پنجاب کو مستحق مریضوں کے علاج معالجے کے لئے فنڈز کے اجراء کیلئے مراسلہ جاری کیا گیا ہے۔

 

 

جاری کردہ مراسلے میں بتایا گیا کہ جگر، گردوں، بون میرو ،کینسر، کوہیلر امپلانٹ، کڈنی اور برین ہیمرج کے 24 مستحق مریضوں کے علاج معالجے کیلئے ایک کروڑ 91 لاکھ 25 ہزار روپے کے فنڈز کا اجراء کردیا گیا۔ تحصیل احمد پور سیال، ضلع جھنگ کی رہائشی کینسر کے مرض میں مبتلا یاسمین نذیر کے علاج معالجہ کیلئے 26 لاکھ 23 ہزار روپے کے فنڈز جاری کیے گئے۔

 

 

کمبوہ کالونی سمن آباد، لاہور کے رہائشی بون میرو ٹرانسپلانٹ کے مرض میں مبتلا عبدالوہاب کے علاج معالجہ کیلئے 25 لاکھ روپے کے فنڈز جاری کیے گئے۔ اسکے علاؤہ کوٹ پنڈی داس، فیروز والا، ضلع شیخوپورہ کی رہائشی جگر کے مرض میں مبتلا زینب بی بی کے علاج معالجے کے لئے 3 لاکھ 6 ہزار روپے کی مالی امداد کا اجراء کیا گیا۔

 

 

عثمان بزدار نے کہا کہ دکھی انسانیت کے دکھ باٹنے سے دلی سکون ملتا ہے۔ انہوں نے مزید کہا کہ دکھی انسانیت کی خدمت ہی اصل سیاست ہے۔