پاکستان مخالف پروپیگنڈا سامنے آگیا۔۔ پاکستانی صحافی بھی شامل پائے گئے

اسلام آباد (اعتماد ٹی وی) پیرس میں 21 فروری سے 4 مارچ تک ہونے والے فنانشل ایکشن ٹاسک فورس (ایف اے ٹی ایف) کے اجلاس سے قبل پاکستان کیخلاف بھارت کی جعلی خبروں کی مہم ایک بار پھر سرگرم ہے۔

کشمیر میڈیا سروس کے مطابق بھارتی ذرائع ابلاغ یہ پروپیگنڈہ پیدا کر رہے ہیں کہ پاکستان بہت جلد ایف اے ٹی ایف کی بلیک لسٹ میں شامل ہوگا۔ رپورٹ میں اس بات کا بھی اظہار افسوس کیا گیا کہ ہمسایہ ملک پاکستان کے خلاف اپنے مذموم سیاسی مقاصد کو حاصل کرنے کے لیے ایف اے ٹی ایف پر اثر انداز ہونے کی اور اس کو بڑھاوہ دینے کی کوشش کر رہا ہے۔

رپورٹ میں افسوس کا اظہار کیا گیاکہ بھارت طویل عرصے سے عالمی فورموں کو پاکستان کے خلاف اپنے مذموم سیاسی مقاصد کے لیے استعمال کر رہا ہے اور اپنے مذموم سیاسی مقاصد کی تکمیل کے لیے FATF جیسے عالمی اداروں کی ساکھ کو تباہ کرنے کی کوشش کر رہا ہے۔

رپورٹ میں کہا گیا ہے کہ بین الاقوامی ماہرین نے بھارتی دعوے کو مسترد کر دیا ہے کہ ایف اے ٹی ایف پاکستان کو بلیک لسٹ کر سکتا ہے۔ جنوب ایشیائی پالیسی کے ماہر مائیکل کوگلمین نے حال ہی میں کہا کہ بھارتی ذرائع ابلاغ کی خبروں پر یقین نہ کریں جن میں دعویٰ کیا گیا ہے کہ ایف اے ٹی ایف جلد ہی پاکستان کو بلیک لسٹ کر دے گا۔

اس پروپیگنڈا میں کچھ حکومت مخالف صحافیوں نے بھی بڑھ چڑھ کر حصہ لیا اور یہ بتانے کی کوشش کی کہ حکومت کی خراب پرفارمنس کی وجہ سے پاکستان اس بار بلیک لسٹ میں جانے والا ہے۔

اسی طرح جنوبی ایشیا اور مشرق وسطی کے اسٹریٹجک تجزیہ کار ڈاکٹر کلاڈ راکسٹز نے کہا کہ پاکستان کو ایف اے ٹی ایف کی گرے لسٹ سے بھی نکالے جانے کا زیادہ امکان ہے۔