وزیراعظم عمران خان کا اہم انٹرویو۔۔ فوجی کارروائی سے روک دیا، اہم وجوہات بتا دیں

وزیراعظم عمران خان نے روس یوکرین تنازع بات چیت کے ذریعے حل کرنے پر زور دیتے ہوئے کہا ہے کہ فوجی کارروائی کسی مسئلے کا حل نہیں ہو سکتی۔

 

 

وزیرِ اعظم عمران خان نے روسی ٹی وی کو انٹرویو دیتے ہوئے کہا کہ پاکستان عالمی سطح پر کسی گروپ کا حصہ بننا نہیں چاہتا، چاہتے ہیں کہ روس یوکرین تنازع کا پُر امن حل نکالا جا سکے۔

 

 

انہوں نے کہا ہے کہ سرد جنگ کے دوران ایک بلاک کا حصہ بننے سے پاکستان کی معیشت کو نقصان ہوا تھا، اب ہم کسی گروپ کا حصہ نہیں بننا چاہتے بلکہ تمام ملکوں سے تجارتی تعلقات چاہتے ہیں۔ ان کامزید کہنا ہے کہ فوجی کارروائی کسی تنازع کا حل نہیں ہو سکتی، پرامن فیصلوں کیلئے مذاکرات کی میز پر آنا ضروری ہے۔

 

 

عمران خان نے کہا کہ دنیا بھر میں پیسے کی غیر قانونی منتقلی سے غربت میں مستقل اضافہ ہو رہا ہے، دنیا کو ترقی پزیر ممالک سے غیر قانونی طور پر پیسوں کی منتقلی کے مسئلے کا سامنا ہے۔ وزیرِ اعظم عمران خان نے کہا کہ وسائل کی غیر منصفانہ تقسیم اور منی لانڈرنگ بھی بڑے اہم چیلنجز ہیں۔

 

 

ان کا کہنا ہے کہ ہماری بنیادی توجہ یہ ہونی چاہیے کہ کیسے اپنے لوگوں کو غربت سے نکالیں۔ وزیرِ اعظم کا کہنا ہے کہ ہر سال غریب ممالک سے کرپشن سے لوٹے گئے 1 اعشاریہ 5 کھرب ڈالرز ترقی یافتہ ممالک کو بھیجے جاتے ہیں۔ وزیراعظم کےدورہ روس کے دوران انہوں کہا کہ امیر ممالک کو اپنے ملک میں پیسہ لانا مشکل اور مزدوروں کا آنا آسان بنانا ہو گا۔