“میں PTI کے لیے اور PTI میرے لیے بوجھ بن کہ رہ گئے ہیں”، وزیراعظم عمران کے معاون خصوصی کا اہم بیان سامنے آگیا۔۔ اپوزیشن میں خوشی کی لہر۔۔

سیاست (اعتماد ٹی وی) وزیراعظم عمران کے معاون خصوصی بلوچستان اور پی ٹی آئی بلوچستان کے صدر یار محمد رند نے اپنی ناراضگی کا اظہار کر دیا۔

تفصیلات کے مطابق ایک نجی ٹی وی پروگرام میں پی ٹی آئی بلوچستان کے صدر یار محمد رند نے اپنی ناراضگی کا اظہار کیا اور یہاں تک کہہ دیا “میں پی ٹی آئی اور پی ٹی آئی میرے لئے بوجھ بن کہ رہ گئے ہیں”

صحافی کے سوال پر انہوں نے کہا کہ بلوچستان عمران خان کے دل کے قریب ضرور ہے لیکن دماغ کے قریب نہیں ہے انہوں نے کہا کہ عمران خان نے مجھے معاون خصوصی بنانے کے بعد صرف ایک بار ملاقات کی ہے اس کے بعد ملاقات کا موقع تک نہیں دیا۔ وزیراعظم کو ہمیں اعتماد میں لینا چاہیے اور ہمارے ساتھ مشاورت کرکے ہمارے مسائل حل کرنے چاہیے

ایک اور سوال پر جواب دیتے ہوئے انہوں نے یہ کہا کہ میں اب اپنا اگلا لائحہ عمل اپنے دوستوں کے ساتھ مشاورت کرکے کے طے کروں گا اور اس کا اعلان کروں گا۔

یاد رہے کہ یار محمد رند پہلے بھی کئی بار پی ٹی آئی سے ناراضگی کا اظہار کرچکے ہیں لیکن حکومت ان کو منانے میں ہمیشہ کامیاب رہی ہے