تھانے میں کیمرہ بنا بڑی رکاوٹ، کپڑا ڈالنا مہنگا پڑ گیا۔ ویڈیو سوشل میڈیا پر وائرل، لیڈی SI اور SHO کی پارٹی۔۔

لاہور (اعتماد ٹی وی) تھانہ فیصل ٹاون لاہور کی ویڈیو سوشل میڈیا پر وائرل ڈی آئی جی آپریشنز کا ایکشن، تھانہ فیصل ٹاون ایس ایچ او اور لیڈی سب انسپکٹر کو معطل کر دیا گیا۔

تفصیلات کے مطابق تھانہ فیصل ٹاون کے ایس ایچ او یاسر چیمہ نے تھانے میں سالگرہ منانے کے لئے تھانے میں لگے کیمرے پر کپڑا ڈلوایا۔ ڈی آئی جی آفس مونیٹرنگ نے کیمرے پر کپڑا پڑا دیکھا تو فوری حکام کو اطلاع دی جس پر فوری کارروائی بھی عمل میں لائی گئی۔

ڈی آئی جی آپریشنز نے ایس ایچ او تھانہ فیصل ٹاؤن یاسر چیمہ اور ان کے ساتھ ویڈیو میں نظر آنے والی مہوش سب انسپکٹر کو بھی معطل کر دیا۔ ویڈیو منظر عام پر آنے کے بعد سوشل میڈیا پر تیزی سے وائرل ہوئی جس کے بعد عوام کو پتہ چلا کے ایس ایچ او نے سالگرہ منانے کے لئے کیمرے پر کپڑا ڈلوایا تھا کیونکہ کیمرے کی رسائی ڈی آئی جی آفس مانیٹرنگ کے پاس بھی۔

تھانوں میں لگے کیمرے ایک بہترین عمل ہے جو کہ تھانوں کی کارکردگی کو بہتر بنانے کے لیے انتہائی اہم کردار ادا کر رہا ہے۔