اتنی جلدی تو گرگٹ بھی رنگ نہیں بدلتا، جتنی جلدی ڈاکٹر عامر لیاقت نے رنگ بدلے، لوگوں نے سوشل میڈیا پر عامر لیاقت کے حالیہ بیان پر چھترول کر دی

عامر لیاقت حسین نے حکومتی پارٹی کے متعلق پیش گوئی کر دی۔

کراچی (اعتماد ٹی وی) پاکستان تحریک انصاف سے تعلق رکھنے والے عامر لیاقت حسین کو لگتا ہے خبروں میں رہنے کا شوق ہے اور اس شوق کو پورا کرنے کے لئے وہ کچھ نہ کچھ ایسا کرتے ہیں کہ عوام حیران رہ جاتی ہے۔

پہلے عامر لیاقت اپنی شادیوں کی وجہ سے چرچوں میں رہے اب انھوں نے نیا بیان دیا ہے، جو کہ موجودہ وقت کی حکومت سے متعلق ہے۔

تفصیلات کے مطابق، لیاقت سے متعلقہ ویڈیو وائرل ہو رہی ہے, جس میں انھوں نے بیان دیا کہ میں بے شک پی ٹی آئی سے تعلق رکھتا ہوں لیکن اند ر سے میں ایم کیو ایم سے ہی محبت رکھتا ہوں۔

ایم کیو ایم کے عقیدت مند ابھی بھی کراچی میں موجود ہیں اور میں الطاف حسین کو ہی اپنا قائد مانتا ہوں۔

عامر لیاقت حسین نے ایک تقریب میں شرکت کی اور شیلڈ وصول کرتے ہوئے اپنی میزبان سے (جو کہ ایم کیو ایم کی رکن ہیں ) کہا کہ ہمارا آپس میں اتحاد ہو گا۔

جس پر خاتون نے صاف جواب دیا کہ نہیں ہوسکتا ۔ اگر آپ ایم کیو ایم میں ہوتے تو ہو جاتا ۔ ڈاکٹر عامر لیاقت حسین نے کہا میں اند ر سے ایم کیو ایم کا ہی رکن ہوں ۔

خاتون نے پی ٹی آئی کے متعلق سوال کیا کہ پھر پی ٹی آئی کا کیا سلسلہ ہے ؟ کیا آپ پی ٹی آئی سے نکل رہے ہیں جس پر عامر لیاقت حسین نے کہا وہ تو آنے والے چھ مہینوں میں ختم ہو جائے گے اور ایم کیو ایم ایک تبلیغی جماعت ہے اور میں شروع سے اس کا وفا دار ہوں۔

ڈاکٹر عامر لیاقت حسین کا یہ بیان اس وقت حکومت کے لئے کیا کردار ادا کرے گا ۔ ہوسکتا ہے عامر لیاقت نے ایم کیو ایم کے بانی کے لندن میں باعزت بری ہونے کی خبر سن کر دیا ہو یا پھر ان کا شمار پی ٹی آئی کے ناراض کارکنوں میں ہے جو تحریک عدم اعتماد کے ساتھ مل رہے ہیں۔

تاہم اس کے بعد سوشل میڈیا پر ڈاکٹر عامر لیاقت کے اس بیان کو لے کر کافی شور شرابہ چل رہا ہے۔ لیکن عامر لیاقت کی طرف سے ابھی تک اس سلسلے میں وضاحتی بیان سامنے نہیں آیا۔

دوسری طرف لوگ سوشل میڈیا پر ڈاکٹر عام لیاقت کو لے کر بات کر رہے ہیں کہ اتنی جلدی تو گرگٹ بھی رنگ نہیں بلدتا جتنی جلدی عامر لیاقت بدل رہا ہے۔

آپ کو بتاتے چلے کہ سوشل میڈیا پر ایک ویڈیو وائرل ہوئی ہے جس میں ڈاکٹر عامر لیاقت ایم کیو ایم کے بانی الطاف حسین کو برا بھلا کہہ رہے ہیں اور ان سے لاتعلقی کا اظہار کر رہے ہیں۔

اس کے ساتھ موجودہ ویڈیو کا کلپ جوڑا ہے، جس میں ڈاکٹر عامر لیاقت کہہ رہے ہیں کہ وہ اندر سے ایم کیو ایم کے ہی بندے ہیں۔

مزید یہ کہ اس سے پہلے جب ڈاکٹر عامر لیاقت نے تیسری شادی کی تو اس سے پہلے انہوں نے بتایا تھا کہ وہ بھی اپنے لیڈر عمران خان کی طرح 3 شادیاں کرینگے اور اس طرح انہوں نے تین شادیاں کر بھی لی۔