فیڈرل بورڈ آف ریونیو اور سوئی سدرن گیس کمپنی آمنے سامنے آگئے۔ عوام پر اس کے گہرا اثرات۔۔

فیڈرل بورڈ آف ریونیو نے سوئی سدرن گیس کمپنی لمیٹڈ کے تمام بینک اکاونٹس منجمد کردئیے۔ ایف بی آر کے اعلامیے کے مطابق سوئی سدرن گیس کے اکاؤنٹس 23 ارب کے سیلز ٹیکس واجبات ادانہ کرنے پر منجمد کئے گئے ہیں۔

 

 

سوئی سدرن گیس کمپنی لمیٹڈ کے بینک اکاونٹس ایف بی آر کے ماتحت ادارے لارج ٹیکس پیئر آفس کراچی نے منجمد کئے، ایل ٹی او نے بینک اکاونٹس منجمد کرکے رپورٹ ایف بی آر کو بھجوادی ہے، جب کہ ایف بی آر نے سوئی سدرن کمپنی لمیٹڈ کے اکاؤنٹس سے 31 کروڑ 20 لاکھ روپے کی ریکوری بھی کرلی ہے۔

 

 

ایف بی آر کی جانب سے جاری اعلامیے میں تصدیق کرتے ہوئے کہا گیاہے کہ سوئی سدرن گیس کمپنی کے بینک اکاونٹ منجمد کر دیئے ہیں، کمپنی کے اکاؤنٹس 23 ارب کے سیلز ٹیکس واجبات ادا نہ کرنے پر منجمد کئے گئے ہیں، جب کہ سوئی سدرن گیس کمپنی سے سیلز ٹیکس کی مد میں 312 ملین روپے وصول کئے جاچکے ہیں۔

 

 

سوئی سدرن گیس کمپنی کے 23 ارب روپے کی واجب الادا رقم کی اپیلیٹ کمشنر بھی تصدیق کر چکے ہیں، ایس ایس جی سی کے منجمد اکاؤنٹس سے واجب الادا رقم ریکور کی جائے گی، لارج ٹیکس پیئرآفس کو سیلز ٹیکس ایکٹ 1990 کی سیکشن 48 کے تحت اختیار حاصل ہے۔