خبردار! تیار ہو جائے، محکمہ موسمیات نے گرج چمک کے ساتھ بارشوں کی پشین گوئی کر دی

پنجاب سمیت ملک بھر میں بارشیں۔

لاہور ( اعتماد ٹی وی ) موسم بہار کی بارشوں کے سلسلے میں محکمہ موسمیات نے پیش گوئی کر دی ۔ منگل تا جمعرات ملک بھر کے کئی علاقوں میں گرج چمک کے ساتھ بارشیں ہوگی اور موسم خوشگوار ہوگا۔ مزید بتایا کہ بارشوں کا نیا سپیل پنجاب کے کئی شہروں سمیت لاہورمیں بھی داخل ہو گیا ہے ۔

محکمہ موسمیات کے مطابق، ملک کے مغربی علاقو ں میں مغربی ہواؤں کا سلسلہ رواں ہفتے میں پیر کی رات کو داخل ہوا۔ جس کی وجہ سے برو ز منگل کو پنجاب کے کئی شہروں میں بارشیں ہوئیں۔

اس سلسلے میں گرد آلود ہوائیں ( آندھی ) بھی چلیں گی۔ آئند ہ چوبیس گھنٹوں میں جن شہروں میں بارشوں کی توقع ہے اُن میں جہلم ،چکوال ، گوجرانوالہ ، روالپنڈی ، گجرات اور اسلام آباد شامل ہیں۔ دیگر شہروں میں بھی آندھی اور گرج چمک کے ساتھ بارش ہوگی ۔

بارشوں کے اس سلسلے سے ملک کے بالائی علاقوں میں بھی تیز گرد آلود ہوائیں چلنے اور بارشوں کے ساتھ ساتھ ژالہ باری کا بھی امکان ہے۔ بالائی خیبر پختونخواہ ، گلگت بلتستان ، اسلام آباد اور کشمیر میں شیدید آندھی اور طوفان آنے کے اثرات ہیں۔ اور پہاڑی علاقوں پر برف باری ہوگی ۔

آج کے روز اسلام آباد میں مطلع ابر آلود رہے گا ۔ لاہور میں آندھی کے ساتھ بارش ہوگی ۔ مری اور گلیات میں بھی برفباری کی توقع ہے۔