پرائیویٹ سکول مافیا ہو جائے تیار، حکومت نے نیا قانون بنا لیا، اب ہر سکول میں بچوں کے لئے کھیل کے گراونڈ اور۔۔۔

ہوشیار خبردار نجی سکول بھی ہو جائیں تیار۔

لاہور ( اعتماد ٹی وی ) پاکستان کی حکومت تعلیمی نظام کی بہتری کے لئے بہت سے اقدامات کرتی رہی ہے۔ ہر دور حکومت میں ملک بھر میں تعلیم کے حصول پر زور دیا گیا ہے اور اس سلسلے میں مختلف منصوبے شروع کیے گئے ہیں ۔

کسی دور میں پسماندہ علاقوں میں سکول و کالج بنائے گئے تو کسی دور میں نصاب کی مفت تقسیم کی گئی۔ کسی نے لیپ ٹاپ دئیے اور کہیں بہترین کارکردگی والے طالب علموں کو سولر سسٹم دیا گیا۔

غرض ی کہ سب نے تعلیمی نظام کو بہتر سے بہتر کرنے کی کوشش کی ہے موجودہ حکومت نے بھی اس سلسلے میں اہم فیصلے کئے جیسے کے پورے ملک کے سرکاری و نجی سکول کا نصاب ایک ہوگا۔

تعلیمی نصاب میں قرآن کی تعلیم کو لازم و ملزوم کیا جائے گا ۔ ہرجماعت کے بچے کو ناظرہ اور سپارہ پڑھایا جائے۔ اس کے علاوہ موجودہ حکومت اس کوششوں میں ہے کہ اعلیٰ تعلیم میں قرآنی تعلیم کو لازم کیا جائے اور طلبہ و طا لبات کو سیرت نبویﷺ کے متعلق پڑھایا جائے۔

موجودہ حکومت نے ہنر مند نوجوان جیسے پروگرام کا انعقاد کر کے تعلیم کے ساتھ ساتھ ہنر پر بھی زور دیا اور ماہانہ وظیفہ مقر ر کر کے نوجوان نسل کو ہنر مند بنایا اور اس کے سرٹیفیکٹ بھی دئیے گئے۔ مختلف فیکٹریز میں ان کو ملازمت دلوائی گئی۔

اب اس سلسلے میں مزید اقدامات کرتے ہوئے ملک بھر کے نجی سکولوں کے لئے نیا قانون پیش کیا ہے۔ وزیر تعلیم مراد راس نے کہا ملک بھر میں ہزاروں کی تعداد میں ایسے سکولز موجود ہیں جن کا الحاق بورڈ سے نہیں ہے۔

اب ہم نے قانون بنایا ہے کہ تمام نجی سکولوں کا رجسٹر ہونا ضروری ہو گا۔ جو سکول رجسٹر نہیں ہوگا اس کے خلاف کاروائی کی جائے گی۔

وزیر تعلیم مراد راس کے مطابق بہت سے سکول 5000 سے کم فیس وصول کرتے ہوئے سکول کا نظام چلا رہے ہیں جب کہ ایسے سکولوں میں نہ ہی لائبریری ہوتی ہے اور نہ ہی کھیل کا میدان ۔ اس کے ساتھ اساتذہ کی بھی کمی ہوتی ہے ۔ اس لئے اب حکومت کی مقرر کردہ شرائط کے مطابق سکول کھلیں گے ۔

انھوں نے کہا ملک میں ڈیٹا بنک قائم کر کے ای ۔ٹرانسفر سسٹم کو متعارف کروایا گیا اور کئی اساتذہ اس کے ذریعے اپنے واجبات وصول کر چکے ہیں ۔ اور اسی نظام کے ذریعے طلباء و اساتذہ کے داخلے ، تبادلے اور ریٹائرمنٹ کے امور انجام دئیے جا رہے ہیں۔

اس سٹسم سے ملک بھر میں کرپشن اور سفارش کے ساتھ ساتھ اقربا پروری کا بھی خاتمہ ہو گا۔ ہمیں نجی سکولوں کے مقابلے سرکاری سکولوں کا ڈیجیٹائزیشن کا عمل تیز کرنا ہوگا اور اس کے لئے بہت بڑی سرمایہ کاری کی ضرورت ہے ، حکومت نے تعلیم کی مد میں بہت سے فنڈز مقر ر کئے ہیں ۔

سرکاری سکولوں میں اساتذہ کی کمی کے سوال پر وزیر تعلیم نے کہا کہ ہزاروں کی تعد اد میں اساتذہ ہر سال ریٹائرڈ ہوتے ہیں اور اسی طرح نئے اساتذہ کو بھرتی کیا جاتا ہے ۔

موجودہ حکومت نے منصوبہ بنا یا ہے کہ اب سے 15 سے 30 ہزار سے زائد اساتذہ کو بھرتی کیا جائے۔ تاحال مالی وسائل کی کمی کی وجہ سے ملک بھر میں نئے سکولوں کی تعمیر کو روک دیا گیا ہے اور 7 ہزار سے زائد سکولوں کو پرائمر ی سے ایلمینٹری کا درجہ بھی دیا گیا ہے۔ تاکہ اس وجہ سے علاقے میں تعلیمی نظام رواں رہے۔